Isaia 33:6 - Baibuli Ekibono kya Katonda 2014

⁶ era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Isaia 33:6 ပူးပေါင်းရင်းမြစ်များ

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

Yobu 4:6

Katonda wamusinzanga, waaba mwesigwa y'ali era waaba muntu mwesimbu. Ekyo tikikugha isuubi?”

Zabbuli 140:7

Wo Musengwa Katonda, niiwe Musengwa Katonda wange ow'amaani anwanirira era n'ankuuma mu lutalo.

Zabbuli 28:8

Musengwa Katonda n'amaani g'abantu be, era n'ekisenge ekigumu kyabazinga we ye yasiiga omuzigo mwe yeewogoma.

Zabbuli 45:4

Iwe kyabazinga, ja mu lutalo obe mughanguzi ng'olwanirira amazima n'obutuufu. Amaani go ka gakole ebyewuunhisa!

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 14:26

Okutya Musengwa Katonda kuleetera omuntu okuba omugumu, era n'ab'omu maka ge kubakuuma.

Ensambo 14:27

Okutya Musengwa Katonda kuli ng'oti nsulo ereeta obulamu, kuwonia omuntu okufa.

Ensambo 15:16

Omuntu amala gaba mwavu aye ng'atya Musengwa Katonda, atabaire mukombe aye ng'ali mu bizibu.

Ensambo 19:23

Okutya Musengwa Katonda kuleetera omuntu obulamu, yaaba bukalamu ng'ali miraala, ghaabulagho akabi akamutuukaku naire.

Ensambo 2:5

Olwo olyega okutya Musengwa Katonda, era waamanhira irala Katonda ky'ali.

Ensambo 28:2

Ensi erimu aboonooni ebaamu abafuzi kamaala, aye bweghabaagho abafuzi abategeevu era abagezi, ebaamu emiraala.

Ensambo 29:4

Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Omulangirizi 7:12

kuba gakuuma omuntu ng'oti n'empiiya bwe dhimukuuma. Aye ekireetera omuntu omugezi okusingaku abandi kiri nti: amagezi g'aba nago gamugha obulamu.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 26:1

Ku lunaku olwo abantu balyemba olwembo luno mu Buyudaaya, bati: Ekibuga kyaife kigumu begulugulu. Katonda mwene n'eyakizimbaku ebimante ebigumu, era mwene n'akikuuma.

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 32:18

Abantu ba Musengwa Katonda baliba mu miraala, baatyamisa mu maka gaibwe era baawuumula nga ghazira kibatiisa naire.

Isaia 33:20

Mulingirire Sioni ekibuga kye tukulizaamu embaga edh'ebibinuko byaife ebyalagirwa. Mubone Yerusalemu nga bwe kirimu emiraala, kuba era ekyo n'ekifo ekibeekamu. Kiriba ng'oti ni weema ye batatoolagho, ng'enkondo dhaayo tidhisimbulwagho, waire emigugha gyayo okukutuka.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 51:14

Abo abali mu bunhage baidha kulekulwa mangu; tibaidha kufa kuja mu magombe, waire okubulwa emere ye balya.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Timotheo 6:6

Kituufu okwikiriza kulimu obukombe kamaala, kasita ole n'awulira ng'ebyo by'ali nabyo bimumala.