Isaia 33:23 - Baibuli Ekibono kya Katonda 2014

²³ Emigugha egy'abazigu tigikaasobola kunhwegula mulongooti gwa lyato mu kifo kyagwo, waire okwandhuluza eitanga. Kale ebintu byonabyona eby'abazigu ebingi einho, birifuuka omunhago gwaife, nga n'abalema boona basobola okunhaga ku ogwo.

Isaia 33:23 ပူးပေါင်းရင်းမြစ်များ

2 Bakyabazinga 7:16

Abantu ab'omu Samaria baaja baanhaga ebintu mu kifo Abasiria ghe baasimba weema dhaibwe. Kilo eisatu edh'obuwunga obuseereibwa obukalamu dhaagula ekitundu kirala ekya feeza, ni kilo omukaaga edha sayiri dhoona dhaagula ekitundu kirala kyonka ekya feeza, nga Musengwa Katonda bwe yakoba.

2 Bakyabazinga 7:8

Abasaadha abo ab'endwaire ey'ebigenge bwe baatuuka ku kifo Abasiria ghe baasimba weema dhaibwe, baingira mu yindi ku weema, baalya, baanhwa, era baatoolamu feeza ni zaabu n'ebivaalo, baaja baabigisa. Baamala baira, kabiri baingira mu weema eyindi, baatoolamu ebyalimu, byona baaja baabigisa.

2 Ebyomubyanda 20:25

Yehoshafati n'abantu be bwe baajaayo okutoolayo omunhago, baayagaanayo eby'obukombe kamaala, n'engoye, n'ebintu eby'omughendo, baatwalaku bye baasobola, ebindi byabalemeragho. Baamala enaku isatu nga bakaasomba omunhago ogwo, kuba gwali mungi.

Zabbuli 68:12

“Bakyabazinga n'amagye gaibwe balumuka era balumuka!” Abakazi abaasigala eka n'abaagabana omunhago

Zabbuli 68:13

ogw'enjiibwa edhiriku feeza, ng'amaghagha gaadho gamesunkana ni zaabu, waire ng'abakazi abo baasigala nga beegisiisa bwa mu bigo bya ntaama.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 33:21

Eyo Musengwa Katonda y'alitwolekera ekitiisa kye, twaba mu kifo ekirimu ensulo, era ekirimu n'emiiga eminene okutabita maato ga bazigu.

Isaia 33:4

Abantu baatwala ebintu byago ng'omunhago, baabituumiraku ng'oti nzige, baabinhaagaana.

Isaia 35:6

Olwo omulema alituuma ng'oti mpongo, ni kasiru yaayemba olw'eisanhu; kuba amaadhi galitimbuka mu nhindo edh'ensulo mu irungu, gaakuuluulira mu nsi eyo enkalukalu.

Ezekieli 38:13

Abantu ab'e Sheba, n'ab'e Dedani, N'abasuubuzi ab'omu bibuga eby'e Tarushishi, balikubuuza bati, ‘Oidhie kunhagulula? Osoloiza eigye lyo osobole okutwala ebintu ng'omunhago? Oidhiriire feeza, na zaabu, na kutwala bintu na byayo, ng'omunhago.’ ”

Ebikolwa by'Abatume 27:19

Era ku lunaku olwairirira olwo, baasuula ebindi ku bintu bye bavugisa eryato.

1 Ab'e Korintho 1:27

Katonda yasalagho okulonda abo ensi b'etwala nga basiru, aswaze abagezi. Era yaalonda abo ensi b'etwala okuba abanafu, aswaze ab'amaani.

1 Samueli 30:10

Aye Daudi yeeyongerayo n'abasaadha ebikumi bina, kuba abasaadha ebikumi ebibiri baali bakooye inho, nga tibaghanga kusomoka kaiga Besori, kale n'okusigala agho.