Isaia 33:17 - Baibuli Ekibono kya Katonda 2014

¹⁷ Mulibona kyabazinga mu kitiisa kye, era mwabona n'ensi enene einho y'afuga.

Isaia 33:17 ပူးပေါင်းရင်းမြစ်များ

2 Ebyomubyanda 32:23

Agho abantu kamaala baidha e Yerusalemu nga baleeteire Musengwa Katonda ebirabo, era nga baleeteire ni kyabazinga Hezekia owa Buyudaaya ebintu eby'omughendo. Okuva ku olwo, amaghanga goonagoona gaatanga mu Hezekia oyo ekinhagansi kya maani.

Yobu 19:27

Ndimubona nze mwene n'amaiso gange, nga n'oyo mwene, se ti wundi. Omwoyo gwange gweraliikirira

Zabbuli 31:8

Toganhie bazigu bange kuntuukaku, era ompaire eidembe neetaaya.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Olwembo 5:10

Omugonzi wange anhirira era aboneka bulungi; mu bantu omutwalo omulamba (10,000), yenka n'abonekamu.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 26:15

Wo Musengwa Katonda, oleeteire eighanga lyaife okweyongeraku obunene, waagaziya ensalosalo dhaalyo dhoonadhoona, era ekyo kyayongera okukugheesa ekitiisa.

Isaia 33:21

Eyo Musengwa Katonda y'alitwolekera ekitiisa kye, twaba mu kifo ekirimu ensulo, era ekirimu n'emiiga eminene okutabita maato ga bazigu.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 37:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'enaku. Agho yaaja mu isinzizo.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Matayo 17:2

Agho yaafuuka obundi nga babona, amaiso ge gaayaka oti ndhuba, n'ebivaalo bye byayakaayakana oti musana.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

2 Ab'e Korintho 4:18

Tujiira ku bintu ebitaboneka, aye ti ebyo ebiboneka kuba ebyo ebiboneka bya kaseera buseera, aye ebyo ebitaboneka tibiwaagho.

1 Yoanne 3:2

Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.