Isaia 33:14 - Baibuli Ekibono kya Katonda 2014

¹⁴ Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 33:14 ပူးပေါင်းရင်းမြစ်များ

Yobu 18:11

Ebimutiisa bimuli ku buli luuyi, bimubingirira buli gh'atoola ekigere.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 21:9

Bw'aliboneka alibookya n'omuliro ng'ogw'oluyiira. Musengwa Katonda alibasaaniagho mu kiruyi kye; balikeenha n'omuliro.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 32:11

Imwe abakazi abali obukalamu mutengere olw'okutya, imwe abali mu idembe mudhugumire. Mutoolemu ebivaalo byaimwe mube madu, mwesibe ekutiya mu nkende olw'enaku.

Isaia 34:9

Amaadhi ag'omu miiga egy'omu Edomu galiirugala geegema ng'oti koolaasi. Eitaka lyayo lirikyuka lyafuuka buganga bwa salufa. Era ensi eyo yoonayoona erigema omuliro oguli ng'oti gwa koolaasi.

Isaia 47:14

Bona eno, abo baliba ng'oti isubi ikalu, omuliro gwabookya okubasaaniagho. Tibalisobola kwewonia kubbeibbera kwa muliro gwa maani gutyo. Tiguliba gwa kisuusu abantu gwe batyama agho ni boota.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Amosi 9:10

Ababi boonaboona baja kwitibwa mu lutalo abo abeekiina nga bakoba bati, ‘Katonda taidha kuganha kibi kyonakyona kututuukaku.’ ”

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Matayo 18:8

“Omukono gwo, oba ekigere kyo bwe kiba kikusendasenda okwona, kitemeku okisuule ghala omala gaba na mukono mulala oba kigere kirala, waafuna obulamu, otasuuliibwa mu muliro ogutazikira ng'oli n'emikono ebiri oba n'ebigere bibiri.

Matayo 22:12

Yaamukoba ati, ‘Muna, ongire otya muno ng'ozira kivaalo kya ku mbaga?’ Ole yaabuudhaala bubuudhaale.

Matayo 24:51

Musengwa we alimubonereza inho, yaamuta mu bakuusa omuli okugegenga n'okuluma emba olw'obulumi obubitirivu.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Amateeka Agokubiri 4:24

kuba Musengwa Katonda waimwe ali ng'oti muliro oguzikiriza buli kiri mu ngira yaagwo, era enkikidi emugema ku lw'abantu be.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abaheburayi 12:29

kuba Katonda waife muliro gwene oguzikiriza.

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.