Isaia 33:11 - Baibuli Ekibono kya Katonda 2014

¹¹ Entegeka dhaimwe dhiri ng'oti bikaba bukaba, ni bye mukola byonabyona biri ng'oti bisubi bikalu omuuka ogwaimwe gwene gwe mugheera, n'ogulibamamula okubamaliriragho ng'oti muliro.

Isaia 33:11 ပူးပေါင်းရင်းမြစ်များ

Yobu 15:35

Abantu abo bategeka okukola ebibi, era baabikola, baidhwire buguya bwereere.”

Zabbuli 2:1

Lwaki amaghanga geesigulana okudheema, n'abantu ni beeteesa ebiziramu?

Zabbuli 7:14

Bona, omukozi w'ebibi aba ng'oti mukazi, yaatoola enda ey'ebibi, yaaba enda erimu entegeka edh'okukola ebibi, era yaazaala obuguya.

Zabbuli 7:15

Asima ebiina okutega baine, aye ate mwene yaabigwamu.

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 26:18

Twaba enda, twalumwa okuzaala, aye ghazira kye twazaala. Tuzira kya mugaso kye tufuniemu, waire okubaaku n'obughanguzi bwe tuleetera ensi yaife.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Ebikolwa by'Abatume 5:4

Bw'obaire okaali kutunda kibandha kyo, tikibaire kikyo? Ate bw'omaze okukitunda, ebiviiremu tibibaire bibyo? Memale lwaki ekintu ng'oti n'ekyo kikwidhie mu mwoyo gwo? Tosubaighe bantu, osubaighe Katonda.”

Yakobo 1:15

Okwegomba kuvaamu ekibi ate ekibi kyavaamu okufa.