Isaia 32:2 - Baibuli Ekibono kya Katonda 2014

² Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 32:2 ပူးပေါင်းရင်းမြစ်များ

Zabbuli 143:9

Wo Musengwa Katonda, numukiire y'oli onkuume, omponie abazigu bange.

Zabbuli 32:7

Oli kifo kyange mwe neewogoma, niiwe omponia ebizibu wandhidhuza eisanhu olw'okuwonezebwa.

Zabbuli 63:1

Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 16:3

Bali kukoba ab'omu Buyudaaya bati: “Mutughe ku magezi, mutukobere eky'okukola. Mukingirize akabi kalobe kututuukaku ng'oti n'omuti bwe gutaagho ekinsense mu kasana ghagati. Mutuleke twewogome mu kinsense ekyo. Ife tuli kunoonia bubudamo mutukweke aghantu ghe bataatubone.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 41:18

Ndireetera emiiga okukuuluula nga giva ghaigulu ku nsozi edhiziraku kantu, naataagho enhindo edh'ensulo dh'amaadhi mu biiko. Ndifuula eirungu lyaba kidiba kya maadhi, n'eitaka eikalu lyabaamu ensulo edh'amaadhi agakuuluula.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 43:20

Ensolo edh'omu nsiko dhirintaamu ekitiisa, n'ebibe ni maaya byansaaka; olw'okuba ntaagho emiiga mu nsi enkalukalu naaleetera amaadhi okuba mu irungu, olwo naagha abantu bange be nalondamu okunhwa.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 33:14

Musengwa Katonda yaakoba ati: “Bona, ekiseera kiri kwidha ntuukirize ekisuubizo kye nasuubiza abantu ab'omu Isiraeli n'ab'omu Buyudaaya.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.