Isaia 32:19 - Baibuli Ekibono kya Katonda 2014

¹⁹ Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 32:19 ပူးပေါင်းရင်းမြစ်များ

Isaia 10:18

Musengwa Katonda alizikiriza ebibira ebyesiimisa Assiria, n'amasamba amagimu, ng'oti n'obulwaire namusiza bwe bugoogombya omuntu n'aweekereragho.

Isaia 10:19

Emiti egirisigalagho mu kibira ekyo giriba mitono inho, nga n'omwana omuto asobola okugibala.

Isaia 10:33

Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 24:10

Ekibuga kitabangwiketabangwike, buli muntu yeigaliza mumwe ghalobe kubaagho amwingirira.

Isaia 24:12

Ekibuga kisigaire agho kityo, nga kiri bwa bifulukwa byereere. Emiryango gyakyo bagikubyekubye, baagireka nga gimenheikemenheike.

Isaia 25:2

Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 26:5

Abo abaali beetwala okuba aba ghaigulu abaisiisa ghansi, yaazikiriza ekibuga kyaibwe ekigumu, yaakigwisa ku itaka ghaasigala bwa nkungu.

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 28:2

Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 29:4

Yerusalemu kiriba ng'oti n'omuzimu ogwekakaba okwogera nga guli ghansi mu itaka; amamiro gaakyo galiwulikana ng'oti kaama bwama okuva eyo mu nkungu.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Zekaria 11:2

Imwe emiti emisipuressi muwowoole kuba emivule gigwire, emiti egyo emirungi einho bagizikiriiza. Imwe emiti emikologho egy'e Bashani muwowoole, kuba ekibira ekibaire ekizibirivu bakitemyegho!

Matayo 7:25

Amaadhi gaagwa, omwidhuzo gwayoolooka, kiwunga yaakunta, byakuba endhu eyo aye tiyagwa; kuba yali ezimbiibwa ku lubaale.

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.