Isaia 32:17 - Baibuli Ekibono kya Katonda 2014

¹⁷ Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 32:17 ပူးပေါင်းရင်းမြစ်များ

Zabbuli 119:165

Abagonza amateeka go bawulira miraala myereere, ghazira kisobola kubasuula.

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Ensambo 1:33

Aye oyo awulira bye nkoba aidha kubanga mu miraala, era atyamenga atereere ng'aziramu kutya naire.”

Ensambo 14:26

Okutya Musengwa Katonda kuleetera omuntu okuba omugumu, era n'ab'omu maka ge kubakuuma.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 28:12

Yabakoba okughanga akaseera abo abakooye, bawuumulengaku baghegheere, aye baaloba okuwulira.

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Isaia 48:18

“Ha, kale ngoli wawulira ebiragiro byange! Wandibaire mu miraala egikuuluula ng'oti mwiga ogutakala, era waaba n'obughanguzi obw'amaani ng'oti kwefuukuula kwa nhandha.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Ezekieli 39:29

Ndiyugha omwoyo gwange ku b'eighanga Isiraeli, era tiriiramu kabiri kubalekulira agho. Nze Musengwa Katonda ninze nkobye.”

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Abaheburayi 12:11

Bwe tuba nga tuli kukangaivulwa, mu kiseera ekyo tuwulira bulumi mu kifo eky'eisanhu. Aye oluvainhuma abeegereseibwa okukangaivulwa okwo, bafuna emiraala n'obutuufu.

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

1 Yoanne 4:17

Mu nsambo eno okugonza okuli mu ife kwidhuulirizibwa, memale olwo twaba bagumu ku lunaku olw'okusalirwaku omusango kuba ng'oyo bw'ali, twena bwe tuli mu nsi muno.