Isaia 30:8 - Baibuli Ekibono kya Katonda 2014

⁸ “Ebyo ja obighandiike ku kipande nga babona, era obighandiike mu kitabo, bibenga obudhulizi obw'olubeerera obukakasa obubi bw'abantu bano.

Isaia 30:8 ပူးပေါင်းရင်းမြစ်များ

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 8:1

Musengwa Katonda yankoba ati: “Toola ekipande ekinene okighandiikeku mu nhuguta enene, oti: OMUNHAGO OGW'AMANGU, OKUSWANKULA BYE BANHAGULWIRE

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 30:2

“Ghandiika mu kitabo ebintu byonabyona bye nkukobeire,

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 36:4

Kale naayeta Baruku mutabane wa Neria. Naayogeranga, eno nga bw'aghandiika mu nzingo y'ekitabo bye ndhogera, ebyo byonabyona Musengwa Katonda bye yankoba.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Yeremia 51:60

Naghandiika mu kitabo, byonabyona ebigema ku kuzikirizibwa okwali kuja okutuuka ku Babilonia, era ni bino byonabyona ebigema ku nsi Babilonia eyo

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Habakkuku 2:2

Agho Musengwa Katonda yandhiramu ati: “Ghandiika bino bye ndi kukwoleka. Obisengeke bukalamu ku kipande nga byangu okubisoma.

Okubala 24:14

Mperaano ndi kwirayo mu bantu bange. Aye bona eno, ka nkukobere abantu abo Abaisiraeli kye balikola abantu bo mu biseera eby'oluvainhuma.”

Amateeka Agokubiri 31:19

“Kale ni mpegaano ghandiika olwembo luno, olwegerese Abaisiraeli olubembese. Olwembo luno n'olwidha okubanga omudhulizi wange alumiriza Abaisiraeli abo;

Amateeka Agokubiri 31:22

Agho Musa yaaghandiika olwembo luno ku lunaku lwene olwo, yaalwegeresa Abaisiraeli.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Amateeka Agokubiri 4:30

Bwe munaabanga nga muli mu nnaku ng'ebyo byonabyona bibaidhiire, mu biseera eby'oluvainhuma muliira eri Musengwa Katonda waimwe, mwagondera by'abakoba

1 Timotheo 4:1

Mwoyo akoba busimbalaala ati mu biseera ebija okwiririra abantu abandi baliva ku ndhikiriza ey'Ekikurisito, baajiira ku by'emizimu egiguya n'ebyo emizimu emibi bye gyegeresa.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

Yuda 1:18

Baabakobera bati: “Mu biseera eby'enkomerero ghalibaagho abantu abatatya Katonda, abajiira ku kwegomba okw'emibiri gyaibwe, abalibaleetera okufuuka enseko dh'abalamu.”