Isaia 30:7 - Baibuli Ekibono kya Katonda 2014

⁷ Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Isaia 30:7 ပူးပေါင်းရင်းမြစ်များ

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Zabbuli 87:4

Katonda akoba ati: “Mu bantu abantya n'omuli ab'e Rahabu, ab'e Babiloni, ab'e Filisitia, ab'e Tiro n'ab'e Ethiopia. Ndibabalira mu bazaale ab'e Yerusalemu.”

Zabbuli 89:10

Watentena ogusota gu Rahabu waagwita; waabinga abazigu bo n'omukono gwo ogw'amaani, baasansaana.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Ensambo 25:19

Okwesiga omuntu ateesigika mu biseera ebizibu, kuli ng'oti kulya na liino irwaire, oba kutambula na kigere ekibinwike.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Isaia 28:12

Yabakoba okughanga akaseera abo abakooye, bawuumulengaku baghegheere, aye baaloba okuwulira.

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 30:5

ensoni dhirigema abantu b'e Buyudaaya, era beidhusa n'ekyabeesiza abantu abatasobola kubayamba waire okubaaku engeri ye babagasaamu, okutoolaku okubaswaza n'okubaleetera okunhoomebwa.”

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Yeremia 37:7

“Nze Musengwa Katonda, Katonda wa Isiraeli nkoba nti, kyabazinga oyo Zedekia eyakutuma okwidha okuneebuuzaaku, ja omukobe oti, ‘Eigye lya Misiri libaire liri mu ngira nga liri kwidha okubayamba, aye lija bwa kwirayo ewaibwe.

Okulira 3:26

Kale kiba kikalamu ole yaasirika, yaateegerera obulokozi obuva eri Musengwa Katonda.

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.