Isaia 30:32 - Baibuli Ekibono kya Katonda 2014

³² Musengwa Katonda alibanga eno ng'alikubabonereza, ng'ere abantu be bali kusagambira na kwembera ku bugoma na ku ndingidi. Musengwa Katonda mwene n'alirwanisa abazigu abo Abassiria, ng'akozesa eby'okulwanisa ebitiisa.

Isaia 30:32 ပူးပေါင်းရင်းမြစ်များ

Amainhama 31:27

Lwaki waanumukaku mu ngiso, ni weiba nga tonkobeire. Nandibaire nkusiibwire nga tuli kusagamba era nga tuli kwembera ku bugoma ni ku ndingidi.

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Yobu 16:12

Nali nga ntyamiisa, aye yaidha yankontakonta yangema mu mamiro, yankuba ekigwo ghansi yaamaniangula. Yantaagho ng'ekintu eky'okwegeraku endeega,

Isaia 10:24

Kale Musengwa Katonda Afuga Amagye akoba ati: “Imwe abantu bange ababa mu Sioni, mutatya Bassiria bwe babaswanhula era ni babakuba emiigo ng'Abamisiri bwe baakolanga

Isaia 10:26

Nze Musengwa Katonda Afuga Amagye ndibakuba abo naababonereza nga bwe naitira Abamidia ku lubaale lw'e Orebu. Ndiita Abassiria abo nga bwe naitira Abamisiri mu nhandha.

Isaia 11:15

Musengwa Katonda alikozesa empewo ye ebabula yaakaza ekikono ky'enhandha y'e Misiri; era yaasonka omukono gwe ku mwiga Eufurate, yaagwawulamu obwiga musanvu, abantu bwe basobola okusomoka nga tibabozeeku naire.

Isaia 19:16

Olunaku olwo bwe lulituuka, Abamisiri baliba bati inho ng'oti bakazi. Balitya era baadhugumira, bwe balibona nga Musengwa Katonda Afuga Amagye agalwire omukono okubabonereza.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 24:8

Abaakolanga ebinhumo nga bakubiraku obugoma, baalekera. Abaakubanga emizira baazima, n'abaakubanga endingidi tibakaadhikuba.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Isaia 31:4

Agho Musengwa Katonda yankoba ati: “Abaayi ab'ensolo bwebaidha abangi okulumba empologoma eri n'ensolo y'eyiize, tibasobola kugitiisatiisa ni bwe bawowoigana okwekutula. Kale ninze Musengwa Katonda Afuga Amagye, zeena ntyo bwe ndirwanirira olusozi Sioni, nga ghazira kindobera naire.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Ezekieli 32:10

Ndireetera amaghanga kamaala okutya einho, nga gaboine bye mbatuusiisaaku. Era bakyabazinga baago balidhugumira, bwe balibona nga ngalwire empiima yange. Ku lunaku olwo lw'oligwiraku n'oghangulwa, abantu boonaboona balitengera nga batya olw'obulamu bwaibwe.”

Abaheburayi 12:26

Ku olwo eiroboozi lye lyatengeesa ensi, aye ku luno yeesoomera ati: “Kabiri ndidha kwiramu okutengeesa, ti nsi yonka aye n'eigulu.”

1 Samueli 10:5

Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.