Isaia 30:30 - Baibuli Ekibono kya Katonda 2014

³⁰ Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 30:30 ပူးပေါင်းရင်းမြစ်များ

Yobu 38:22

Waali oingiireku mu kifo ghe nkuumira omuzira n'amabaale ag'omugozi?

Yobu 38:23

Ebyo mbiterekera ekiseera ekizibu; olunaku olw'okulwana entalo.

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Zabbuli 2:5

Agho nga yeenayeena adhuunie abadhuuka, mu busungu obutiisa einho yaabakoba

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 98:1

Mwenamwena mwembere Musengwa Katonda olwembo oluyaaka, kuba akoze ebyewuunhisa! Olw'obutukuvu bwe ayoleike ng'ali n'obuyinza n'amaani, ebimuleeteire obughanguzi.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Okuvaayo 9:23

Kale Musa yaaghanika omwigo gwe ng'agusonse ku igulu. Musengwa Katonda yaasindika ku nsi okumyansa, n'olukuba, n'omugozi, byagwira ensi Misiri.

Okuvaayo 9:24

Omugozi gwagwa, okumyansa kwayaka ng'oti muliro ghagati mu mugozi obutazikira, era omugozi gwaba mungi inho ogutagwangaku mu Misiri kasookanga ebaagho.

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 10:26

Nze Musengwa Katonda Afuga Amagye ndibakuba abo naababonereza nga bwe naitira Abamidia ku lubaale lw'e Orebu. Ndiita Abassiria abo nga bwe naitira Abamisiri mu nhandha.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 28:2

Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Isaia 30:31

Abassiria balitya inho bwe baliwulira amamiro ga Musengwa Katonda, ng'ali kubabonereza n'omwigo gwe mu bukambwe.

Isaia 31:4

Agho Musengwa Katonda yankoba ati: “Abaayi ab'ensolo bwebaidha abangi okulumba empologoma eri n'ensolo y'eyiize, tibasobola kugitiisatiisa ni bwe bawowoigana okwekutula. Kale ninze Musengwa Katonda Afuga Amagye, zeena ntyo bwe ndirwanirira olusozi Sioni, nga ghazira kindobera naire.

Isaia 32:19

Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 4:6

Ekitiisa ekyo, omusana kirikingiriza ekibuga kyonakyona okukiwonia olwota, kyakifuula ekifo eky'okwewogomamu okuwona amaadhi ni kiwunga.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Yeremia 25:32

Musengwa Katonda Afuga Amagye akoba ati: “Bona, akabi kali kwidhira amaghanga irala ku irala, nga kava ku lino kaaja ku lire. Kiwunga ow'amaani ali kusiikuuka ere eghala ensi y'ekanga.

Ezekieli 10:5

Omuvuuma ogw'amaghagha ga bikerubi gwawulirwa n'ere mu luya olw'okuliya, nga guli ng'oti n'amamiro ga Katonda Aghanga Ebintu Byonabyona bwe gawulirwa, bw'aba ng'ayogeire.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Yoeli 2:5

Dhituumiratuumira ku ngulu kw'ensozi nga dhivuuma ng'oti n'okupakalania okw'ebigaali eby'omu lutalo; era ng'oti n'okutulikatulika okw'eisubi eikalu nga liri kumamulwa omuliro. Dhisimbye enhiriri ng'oti igye lya maani eryetegeike okulwana.

Amosi 1:14

Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani.

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Matayo 24:7

Eighanga lirirumba liinaalyo, n'obwakyabazinga bwalumba bwinaabwo. Ghalibaagho endhala ni musisi mu biketezo kamaala.

Luka 1:51

Akoze eby'amaani n'omukono gwe, abeekuza mu birowoozo byaibwe yabasansaania.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Yoshua 10:10

Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Okwolekebwa 1:15

Ebigere bye nga biri ng'oti kyuma kya kikomo ekizigule. Amamiro ge nga gali ng'oti mpiriito ya maadhi.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.

1 Samueli 7:10

Samueli bweyali ali kughaayo ekigheebwayo ekyokebwa, Abafilisiti baaseeta nga benda okulumba Abaisiraeli. Aye ku lunaku olwo, Musengwa Katonda yaakaabukira Abafilisiti n'amamiro ag'amaani ng'oti kutyabuka kwa lukuba. Abafilisiti baatabulwatabulwa olw'okutya, era baalumuka Abaisiraeli.