Isaia 30:27 - Baibuli Ekibono kya Katonda 2014

²⁷ Bona ere, obuyinza n'ekitiisa kya Musengwa Katonda biri kwidha, waire nga bikaali ghalaku. Omwosi ghalala n'omuliro, byoleka obusungu bwe obubitirivu. Bw'ayogera, ebyo by'ayogeire byokya ng'oti bwa muliro gwene oguzikiriza.

Isaia 30:27 ပူးပေါင်းရင်းမြစ်များ

Zabbuli 79:5

Wo Musengwa Katonda, oja kutusungughalira kutuusa li? Byanda na byanda? Enkikidi y'oli nayo olw'abantu bo eneeyongera kwaka bwake ng'oti muliro?

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 33:12

Mulifaanana ng'oti babookiikya mwafuuka bwa ivu, era mwaba ng'oti mawa ge batemye ni bagookya gasiriira mu muliro.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 34:9

Amaadhi ag'omu miiga egy'omu Edomu galiirugala geegema ng'oti koolaasi. Eitaka lyayo lirikyuka lyafuuka buganga bwa salufa. Era ensi eyo yoonayoona erigema omuliro oguli ng'oti gwa koolaasi.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Isaia 9:5

Engaito dh'abaisirukale abayoolooka okwidha okulumba, n'ebivaalo byaibwe bye bafuusefuuse mu musaayi, birifuulibwa nku byayokebwa omuliro.

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Ezekieli 22:31

Kale ndibamaliraku obusungu bwange, naabazikiriza n'omuliro gw'ekiruyi ekindiku, naabeesasuulizaaku olw'ebyo bye baakola. Nze Musengwa Katonda ninze nkobye.”

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 7:9

Nali nkaalingirira ebyo, baataagho ebityamo eby'obwakyabazinga. Oyo eyaligho okuva eira n'eira yaatyama ku kindi ku bityamo ebyo. Ebivaalo bye byali byeru ng'oti mugozi, n'enviiri dhe dhaaba ndheru ng'oti buviiri bwa ntaama. Ekityamo kye ekyo nga kiriku enkede edhivaaku omuliro, n'ekityamo kyene kyavaaku enimi edh'omuliro.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Amateeka Agokubiri 4:24

kuba Musengwa Katonda waimwe ali ng'oti muliro oguzikiriza buli kiri mu ngira yaagwo, era enkikidi emugema ku lw'abantu be.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Abaheburayi 12:29

kuba Katonda waife muliro gwene oguzikiriza.