Isaia 30:26 - Baibuli Ekibono kya Katonda 2014

²⁶ Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 30:26 ပူးပေါင်းရင်းမြစ်များ

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Isaia 30:14

Mulimenhekamenheka ng'oti nsugha ya itosi, ye bakubiiregho ku itaka n'emulunguka obutasigalagho waire katundu ka lugyo ak'okutoolesa omuliro mu ziiko, oba okusenesa amaadhi mu kidiba.”

Isaia 33:24

Tighalibaagho muntu waire omulala ati ku b'omu nsi yaife, alikoba ati alwaire. Abantu abaliba eyo boonaboona balisoniyibwa ebibi byaibwe.

Isaia 57:18

“Waire namala ira okubona nga bwe beebisa obubi, aye era ndibakyusa naabawonia, naabakulemberamu, era ebibi byaibwe naabisasulamu ebirungi olwo naasangula amaziga g'abo abalira.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Hosea 6:2

Mu nnaku ibiri oba isatu alitwizaamu obulamu, twaba balamu mu maiso ge.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Zekaria 14:7

Era teribaayo nzikiiza. Bulibanga musana ekiseera kyonakyona. Ni mu kiseera eky'obwire, ghalibangagho butangaavu ng'oti musana. Aye Musengwa Katonda yenka naidhi ekiseera ekyo ghe kiribeeragho.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.