Isaia 30:25 - Baibuli Ekibono kya Katonda 2014

²⁵ Ku lunaku ebimante ebigumu eby'abazigu baimwe lwe birigemwa era abazigu ni baitibwa kamaala, amaadhi amangi galiba gakuuluula nga gava ku nsozi dhoonadhoona endeeyi ni ku busozi bwonabwona obugulumivu.

Isaia 30:25 ပူးပေါင်းရင်းမြစ်များ

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Ezekieli 17:22

Musengwa Katonda akoba ati: “Nze mwene ndija naamenha akasaga ku muti omuvule omuleeyiriri, kale keene akato akasembayo ghaigulu ku busanso bw'ensaga dhaagwo. Era nze mwene ndija naakasimba ghaigulu ku lusozi oluleeyi einho.

Ezekieli 34:13

Ndidhitoola eyo mu maghanga, naadhisoloza okuva mu nsi ye dhaasansaanira, naadhiiza mu nsi yaadho. Naadhaayiranga ku nsozi edh'omu Isiraeli, aghali ensulo edh'amaadhi, mu bifo ebibaamu abantu.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Ezekieli 47:1

Agho omusaadha yandhizaayo ku mulyango ogw'eisinzizo. Okuja okulinga nti nga mbona amaadhi gali kuva ghansi gh'omulyango ogwo, gaakuuluula nga gaja e buvandhuba eisinzizo ye lyalingirira. Amaadhi ago gaali gali kuviira ghansi ku luuyi olw'omukono omusaadha olw'e buvandhuba w'eisinzizo, nga gali kujiira ku luuyi lwene olwo olw'omukono omusaadha olw'e buvandhuba olw'alutaari.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Nahumu 3:12

Ebifo byo eby'okwewogomamu bija kuba ng'oti n'ebibala ebisooka okwenga ku muti omutiini, ole bw'atengeesa omuti bigwa butereevu mu munwa ogw'omuli.

Okubala 24:7

Amaadhi gaidha kubagwiranga mangi, ensigo dhaibwe dhibenga mu nimiro edhifukiriirwa obukalamu. Kyabazinga waibwe aidha kubanga mukologho okusinga kyabazinga Agagi, n'obwakyabazinga bwe bwidha kugheebwanga ekitiisa.

Yoanne 7:38

Era ng'Ebyaghandiikibwa bwe bikoba, ‘Kiisi andhikiriza emiiga egy'amaadhi ag'obulamu giriviira mu mwoyo gwe.’ ”

2 Ab'e Korintho 10:4

Eby'okulwanisa mu lutalo lwaife ti bya nsi, aye n'ebyo ebiri n'amaani ga Katonda okuzikiriza amaani ag'omuzigu.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.