Isaia 30:2 - Baibuli Ekibono kya Katonda 2014

² Baasalagho baaja e Misiri okunoonia obuyambi, nga tibamaze kuneebuuzaaku. Beesiga inho amaani ag'ensi Misiri, baaja ye kyabazinga waayo, baamusaba abakuume!

Isaia 30:2 ပူးပေါင်းရင်းမြစ်များ

1 Bakyabazinga 22:7

Aye Yehoshafati yaakoba ati: “Ghano ghaziraghooku mulanzi wa Musengwa Katonda wundi tumwebuuzeeku?”

2 Bakyabazinga 17:4

Aye kyabazinga oyo ow'e Assiria yaagwa mu lukwe lwa Hoshea olw'okudheema, nga Hoshea oyo agheereiza abakwenda okusaba kyabazinga So owa Misiri amuyambe, era nga Hoshea oyo alekeire n'okugha kyabazinga w'e Assiria omusolo nga bwe yakolanga buli mwaka. Agho kyabazinga w'e Assiria yaagema Hoshea oyo, yaamusiba mu ikomera.

2 Bakyabazinga 18:21

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 16:3

Bali kukoba ab'omu Buyudaaya bati: “Mutughe ku magezi, mutukobere eky'okukola. Mukingirize akabi kalobe kututuukaku ng'oti n'omuti bwe gutaagho ekinsense mu kasana ghagati. Mutuleke twewogome mu kinsense ekyo. Ife tuli kunoonia bubudamo mutukweke aghantu ghe bataatubone.

Isaia 18:1

Eruuyi ere ng'osomoike emiiga gy'e Ethiopia, eriyo ensi ewulirwamu okuziinhuuka ng'oti kwa maghagha ga nhonhi.

Isaia 36:6

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 2:18

Mpegaano muganhulwamu ki okuja e Misiri, ni munhwa amaadhi ag'omwiga Kiyira? Oba, kibagasa ki okuja mu Assiria, ni munhwa amaadhi ag'omwiga Eufurate?

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Yeremia 37:5

Eigye ery'Abababilonia lyali lizingiiza Yerusalemu okugyezunguluza. Aye bwe baawulira bati eigye erya Abamisiri lyali limaze okusala ensalo okuva mu Misiri, baaleka olutalo bairayo einhuma.

Yeremia 42:14

Ka twejiire e Misiri tube eyo, tulobe kubona ntalo, waire okuwulira amagwala agalaalika entalo, oba waire okufa endhala olw'okubulwa emere’,

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yeremia 43:7

Kale baadheemera batyo ekiragiro kya Musengwa Katonda, baaja e Misiri era baatuukira irala ere mu kibuga ekyetebwa Tahapanhesi.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 8:10

Aye waire baapangisa abamaghanga agandi, nze ndibasololeza ghalala naababonereza. Era bali kumpi na kulira maziga, nga kyabazinga w'e Assiria atooleire okubatuntuza.

Hosea 8:9

Baaja baatuuka ni mu Assiria nga bali ng'oti ndogoyi ya mu nsiko eri kutambulatambula eyo etyo yonka. Baamala baapangisa abamaghanga agandi okubakuuma.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Amateeka Agokubiri 28:68

Musengwa Katonda alibaizaayo n'amaato e Misiri, ye yabakoba ati timuliirayo kabiri. Nga muli eyo mwidha kweghangayo y'abazigu baimwe nga mwenda babagule mube bairu, aye tighaabenga abagula.”

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

Abalamuzi 9:15

Omuti namukodolya gwakoba emiti guti, ‘Oba nga bwene mwenda okunfuula kyabazinga waimwe, kale mwidhe mwewogome mu kinsense kyange. Aye oba nga ti n'ekyo, omuliro gwidha kuva mu nsaga dhange edh'amawa, gumalegho emivule egy'omu Lebanoni.’ ”