Isaia 30:12 - Baibuli Ekibono kya Katonda 2014

¹² Kale ni Omutukuvu wa Isiraeli akoba ati: “Nga bwe munhooma bye mbakoba, ni mwesigulira ku kutuntuza abandi n'okukola eby'obudankaanu,

Isaia 30:12 ပူးပေါင်းရင်းမြစ်များ

Zabbuli 52:7

“Mubone omusaadha eyaloba okweguya Katonda okumukuuma, nga yeesigulira ku bukombe bwe obungi, era nga yeesiga enkwe dhe edh'obuguya okumukuuma.”

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Ensambo 24:2

Mu myoyo gyaibwe bayiiya kukola bya bukambwe era bye boogera bireeta kutabulatabula.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 3:15

Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:7

Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Isaia 47:10

Waja weesigulira ku kukola ebibi, waalowooza oti ghazira akubona. Amagezi go n'okumanha kwo byakuleetera okudaaliima, waakoba mule oti, ‘Ninze aligho, ezirayo wundi okutoolaku nze.’

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Isaia 8:6

Yankoba ati: “Abantu bano nga bwe balobye amaadhi ag'akaiga Shiloa agakuuluula empola, aye ni basanhuka olwa Rezini ni Peka mutabane wa Remalia abaidhie okubabeera,

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Luka 10:16

“Awulira imwe aba awuliire nze; aloba okubawulira aba alobye kuwulira nze; ate aloba okuwulira nze aba alobye kuwulira ole eyantuma.”

1 Ab'e Thessalonika 4:8

Kale, aloba bino aba talobye bya bantu buntu, aye aba alobye bya Katonda oyo abagha Mwoyo we Omutukuvu.