Isaia 30:1 - Baibuli Ekibono kya Katonda 2014

¹ Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:1 ပူးပေါင်းရင်းမြစ်များ

2 Bakyabazinga 18:21

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

2 Bakyabazinga 18:24

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Zabbuli 61:4

Leka mbenga mu isinzizo lyo lubeerera; mpambaatira ng'enkoko bw'eghambaatira obwana bwayo.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 1:5

Iwe Buyudaaya, lwaki oyongera okuba omudheemu otyo? Oyenda bongere okukubonereza? Omutwe gwo gwonagwona gwidhwire bibwa byereere, n'omwoyo gwo gwazirika.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Isaia 28:20

Muliba ng'oti n'omuntu asula ku buliri obumpi bw'atasobola kwegololeraku, era nga n'omwebwiko gwona mumpi, ogutasobola kumubunia.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 4:5

Musengwa Katonda omusana alitaagho ekire ku Lusozi Sioni ni ku boonaboona abaliba balwesololeizaaku. Ate obwire yaataagho omwosi n'okwaka okw'enimi edh'omuliro. Ekitiisa kya Katonda oyo kirimaamira ekibuga kyonakyona, kyakikuuma.

Isaia 5:18

Bakagwireku abo abaloba okuva ku kwonoona, obuguya bwaibwe ni bubasibiikirira ku kukola ebibi ng'oti n'emigugha bwe gisibiikirira ekigaali ekighaluzibwa.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Isaia 8:11

Musengwa Katonda yandabula inho ng'ansikirira ndobe kujiiranga ku mpisa dha bantu bano. Yaakoba ati:

Isaia 8:12

“Iwe oteeyimbanga mu nkwe abantu bano dhe bakola, era ebyo bye batya iwe otabityanga naire, waire okuwaamu omwoyo.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Yeremia 2:18

Mpegaano muganhulwamu ki okuja e Misiri, ni munhwa amaadhi ag'omwiga Kiyira? Oba, kibagasa ki okuja mu Assiria, ni munhwa amaadhi ag'omwiga Eufurate?

Yeremia 37:7

“Nze Musengwa Katonda, Katonda wa Isiraeli nkoba nti, kyabazinga oyo Zedekia eyakutuma okwidha okuneebuuzaaku, ja omukobe oti, ‘Eigye lya Misiri libaire liri mu ngira nga liri kwidha okubayamba, aye lija bwa kwirayo ewaibwe.

Yeremia 4:17

Balizingizanga Yerusalemu okukyezunguluza, ng'oti n'abakuuma enimiro bwe bakola, kuba abantu baamu bandheemera. Nze Musengwa Katonda, ninze nkobye.

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Yeremia 5:23

Aye abantu imwe muli n'emyoyo emikalangafu era emidheemu. Mwakyuka, mwanvaaku mwaja ye mwenda.

Ezekieli 11:2

Katonda yankoba ati: “Iwe omuntu, abo n'abantu abayiiya okukola ebibi era abagha abantu ab'omu kibuga kino amagezi amabi,

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Ezekieli 24:3

Kale ni ja okobere eighanga eryo eidheemu olugero, oti Musengwa Katonda akoba ati: Ta sefuliya ku muliro, giteeku omale ogifukemu amaadhi.

Ezekieli 29:16

Eighanga Isiraeli tiririirayo kabiri kwesiga Bamisiri, okutoolaku okweidhusanga olw'ekibi kye baakola okuja ye bali okufuna obuyambi. Olwo Abaisiraeli balimanha nga ninze Musengwa Katonda.”

Ezekieli 3:9

Nkufiire obe mubbalangafu okusinga n'olubaale. Kale otatyanga badheemu abo waire okudhugumira olw'emmoga yaibwe eidhwire obukambwe.”

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Hosea 13:2

Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

Amateeka Agokubiri 9:24

Mubaire mudheemeranga Musengwa Katonda okuviira irala lwe nabamanha.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.