Isaia 3:5 - Baibuli Ekibono kya Katonda 2014

⁵ Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Isaia 3:5 ပူးပေါင်းရင်းမြစ်များ

2 Bakyabazinga 2:23

Agho Elisha yaava e Yeriko, yaaja e Betheli. Bwe yali ng'ali kutambula mu ngira, abaisuka abatobato baava mu kibuga, baamuyeeyereza nga bakoba bati: “Va agho oje, iwe kapaata! Va agho oje, iwe kapaata!”

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 19:2

Musengwa Katonda akoba ati: “Ndisiikuula Abamisiri baalwanagana beene na beene, aboluganda baalwanagana beene na beene, ab'omuliiraano baalwanagana beene na beene, ebibuga byalwanagana buli kirala ni kiinaakyo, ni bakyabazinga baalwanagana buli mulala ni mwine.

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Zekaria 11:6

Musengwa Katonda kyava n'akoba ati: “Zeena tikairayo kusaasira muntu mu nsi eno. Bona eno, nze mwene ndighaayo abantu boonaboona, naabata mu buyinza bw'abafuzi baibwe. Abafuzi abo balizikiriza ensi eno, era ezira muntu ye ndinunula kumutoola mu buyinza bwaibwe.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 26:67

Baamufuudha mu maiso, baamudaazadaaza inho, baamukuba empi,

Mariko 14:65

Ng'olwo abandi batoolera kumufuudhaku, baamughemba mu maiso, baamukuba, eno nga bwe bamukoba bati: “Teeba akukubye.” N'abakuumi baamusangaaza na gafunsi.

Luka 22:64

baamughemba ku maiso memale baamukoba bati: “Teeba, naani akukubye?”

Yakobo 2:6

Aye imwe munhooma abaavu! Abakombe ti n'ababatuntuza? Ti ni beene abo ababatwala ni babakuba mu mbuga?

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.