Isaia 3:24 - Baibuli Ekibono kya Katonda 2014

²⁴ Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Isaia 3:24 ပူးပေါင်းရင်းမြစ်များ

Yobu 16:15

Neetungiire ekutiya era naagivaala olw'okunakughala, era naagyeta ku mubiri. Mpoiremu amaani, naagalaamirira agho mu nkungu.

Ensambo 31:24

Omukazi oyo atunga engoye empegheevu yaadhitunda yaakola ensibiro yaadhiguza abasuubuzi.

Ensambo 7:17

Era naamansiraku obuwoowo obwakolebwa: mu mirra, ni mu alowe, ni mu kinnamoni.

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Isaia 15:3

Abantu boonaboona mu nguudo bavaire kutiya olw'enaku; n'abali ghaigulu ku ndhu ni mu mpya edh'ekibuga bali kumagaza maziga meereere nga bawowoola.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Isaia 3:23

n'embonerwamu dhe beeboneramu, n'engoye dhe baaluka ng'oti butimba n'edho empegheevu, n'ebitambaala eby'oku mutwe, n'engoye edh'okweghemberera.

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Isaia 57:9

Mwebbaaka ebizigo n'obuwoowo kamaala, mwaja okusinza omusambwa Moleki. Era olw'okwenda einho okufuna bakatonda bye musinza, musindika abakwenda baimwe baaja eyo eghala einho. Mwatuuka n'okubasindika baje ghansi mu magombe.

Yeremia 4:8

Kale ni muvaale ekutiya olw'enaku, mulire amaziga era muwowoole; kuba Musengwa Katonda akaatusungughaliire ekibitiriire.’ ”

Yeremia 48:37

Boonaboona bamweire enviiri ku mitwe gyaibwe, baasalaku n'ebirevu byaibwe. Era beesazesaze emisale ku mikono gyaibwe, baavaala n'ekutiya olw'enaku.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Okulira 2:10

Abasaadha abakaire ab'omu kibuga Sioni batyama agho ku itaka baasiriikirira. Beeyugha enkungu mu mitwe nga beesibye ebikaakaati olw'enaku. N'abaghala baamu boona baakuba amakiryaivu agho ku itaka.

Ezekieli 27:31

Ku lulwo baamwa emitwe gyaibwe okugimaliriraku enviiri ng'oti mpaata, baavaala ekutiya olw'okunakughala, era baagegenga olw'enaku eyabali ku myoyo embitirivu, baalira inho amaziga.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Yoeli 1:8

Mulire amaziga imwe, ng'oti n'omughala omwegha eyeesibye ekikaakaati, ng'alirira omusaadha afiire y'abaire aja okufumbirwa.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Mika 1:16

Mumweku enviiri okwoleka nga muli kulira abaana baimwe be mugonza. Mughalagate emitwe mube n'empaata ng'oti nsega, kuba abaana baimwe baja kutwalibwa mu bunhage.

Amateeka Agokubiri 28:22

Musengwa Katonda aidha kubasindikiranga endwaire edhitawonezeka, n'omusuudha, n'okuzimba, n'okwokerera okungi. Aidha kubasindikiranga endoboozi, n'okuvuluka kw'ebirime. Ebyo byonabyona biidha kubeesibangaku okutuusa lwe munaazikiriranga.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

1 Petero 3:3

Obulungi bwaimwe bulobe kubanga ku bya ku ngulu, nga mulanga enviiri, nga mwetimbatimba ebya zaabu, n'okuvaala ebivaalo ebyamadholobera.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.

Okwolekebwa 18:9

Bakyabazinga ab'ensi abaayendanga naye era ni beedhalabyanga bwe balibona omwosi ng'ali kuya, balimulirira era baagegenga.