Isaia 3:23 - Baibuli Ekibono kya Katonda 2014

²³ n'embonerwamu dhe beeboneramu, n'engoye dhe baaluka ng'oti butimba n'edho empegheevu, n'ebitambaala eby'oku mutwe, n'engoye edh'okweghemberera.

Isaia 3:23 ပူးပေါင်းရင်းမြစ်များ

Amainhama 24:65

Yaabuuza omugheereza wa Aburahamu ati: “Omusaadha oyo ali kutambula mu nimiro ng'aidha ye tuli, naani?” Omugheereza yairamu ati: “Ni musengwa wange.” Agho Rebekka yaatoola ekitambaala kye, yeeghemba mu maiso.

Amainhama 41:42

Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

1 Ebyomubyanda 15:27

Daudi yaavaala ekanzu ey'olugoye olughegheevu, era n'abembi, ni Kenania omukulembeze waibwe, n'Abalevi boonaboona abaabbeeda Esanduuku ey'Endagaano, nga boona bavaire batyo. Daudi yali avaire n'ekivaalo eky'obwakabona eky'olugoye olughegheevu.

Okuvaayo 38:8

Yaakola ekyogero n'ekityamo kyakyo mu kyuma eky'ekikomo. Ekikomo ekyo, kyava mu mbonerwamu edh'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.

Olwembo 5:7

Abakuumi bandhagaana nga bali kulawuna ekibuga, bankuba, bantaaku ebinuubule. Abakuumi b'ekibuga abo bantoolaku n'ekitambaala kye nali neeghembereire.

Isaia 3:22

n'ebivaalo byaibwe eby'omughendo, n'ebivaalo bye bavaala munda n'ebyo bye bavaala ku ngulu. Era alibatoolaku n'ensawo edh'omu ngalo,

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Isaia 47:2

Ja ku lubengo ogeme enso, ose ensaano. Weeghembule mu maiso ekitambaala, otoolemu ekivaalo kyo eky'oku ngulu, ofungize ku bikooyi byo, oje odooke emiiga osomoke.

Ezekieli 16:10

Nakuvaaza engoye edhaalukibwa obukalamu, n'engaito edh'oluwu olulungi einho, naakughemberera olugoye olughegheevu, era naakusiba n'ekitambaala ekya liiri.

Zekaria 3:5

Era yaalagira ati: “Mumusibe n'ekitambaala ekitukula ku mutwe.” Kale baamusiba ekitambaala ekitukula ku mutwe, baamuvaaza n'ebivaalo ebitukula, nga malaika wa Musengwa Katonda ayemereire agho.

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Ruthi 3:15

Boazi yaakoba Ruthi ati: “Toolaku ekikubiro ky'ovaire okyandhuluze ghano.” Era Ruthi yaakola atyo. Boazi yaapima kilo ng'oti abiri edha sayiri yaadhimufukira mu kikubiro kye era yaadhimutwika. Ruthi yaira nadho mu kibuga.