Isaia 3:19 - Baibuli Ekibono kya Katonda 2014

¹⁹ ni bye bavaala ku mikono, ni bye bavaala ku matu. Era alibatoolaku n'ebitambaala bye beeghemberera mu maiso,

Isaia 3:19 ပူးပေါင်းရင်းမြစ်များ

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

Amainhama 24:30

Aye Labani yamala kubona ku mpeta na ku bukomo ku mikono gya mwanhina, era na kuwulira mwanhina oyo ng'aghaya ebyo omusaadha bye yamukoba, memale yaaja eri omusaadha era yaamwagaana ng'ayemereire kumpi n'engamiya dhe gha nsulo.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

Amainhama 35:4

Kale, baagha Yakobo emisambwa egy'abamaghanga agandi gyonagyona gye baali nagyo, n'empeta edhaali mu matu gaibwe. Yakobo yaabiziika ghansi gh'omuti omukologho kumpi ni Shekemu.

Amainhama 38:18

Yuda yaamubuuza ati: “Musingo ki gwembe nkughe?” Ole yairamu ati: “Akamanhiso ko, n'olusibiro lwaku, n'omwigo gwo ogw'omu ngalo.” Yaabimugha, yaaba naye mu buliri era Tamari yaatoola enda.

Amainhama 38:25

Bwe baali nga bamufulumya, yaagheereza ye nhazaala we obukwenda obukoba buti: “Omusaadha mwene bintu bino n'eyampa enda. Nkweghembye byekalirise bukalamu ozuule mwene byo, biri: akamanhiso n'olusibiro lwaku, era n'omwigo ogw'omu ngalo.”

Okuvaayo 32:2

Agho Aaroni n'okubakoba ati: “Kale mutoole ku matu ga bakazi baimwe, ni ku ga batabane baimwe, ni ku ga baghala baimwe, empeta edha zaabu mudhindeetere.”

Okuvaayo 32:3

Kale abantu boonaboona beetoolaku empeta dha zaabu dhe baali nadho ku matu gaibwe, baadhigheereza Aaroni.

Okuvaayo 35:22

Abasaadha n'abakazi baidha beene nga benda aghazira kukakibwa, baaleeta ebintu bya zaabu bye batunga ku ngoye, empeta edh'oku matu, ebinhere eby'omu nkoto, n'ebyamadholobera ebindi ebya zaabu. Buli muntu eyaghangayo, ng'aghaayo ekintu kya zaabu eri Musengwa Katonda.

Isaia 3:18

Olunaku olwo bwe lulituuka, Musengwa Katonda alitoola ku bakazi ab'e Yerusalemu ebintu eby'okwewoomya byonabyona ebibaleetera okwekuluntaza: ebyamadholobera bye bavaala mu bukongoivule, ni bye bavaala ku mitwe, ni bye bavaala mu nkoto,

Isaia 3:20

ni bye beesiba ku mitwe, n'obukomo obuleeta enkabi bwe bavaala ku mikono, n'obunhere bwe beesiba mu nkende,

Ezekieli 16:11

Nakuvaaza ebyamadholobera: ebikomo ku makono, n'ebinhere mu nkoto.

Ezekieli 16:12

Naakutaaku n'empeta ey'oku nhindo, n'eby'oku matu, naakuvaaza n'engule eboneka obulungi ku mutwe.

Okubala 31:50

Era tuleese ekigheebwayo eri Musengwa Katonda nga buli muntu bweyafuna. Tuleese ebintu bya zaabu eby'okwewoomya, ebikomo, empeta edh'oku ngalo n'edh'oku matu n'ebinhere, nga tusaba Musengwa Katonda atutooleku ebibi byaife.”