Isaia 3:18 - Baibuli Ekibono kya Katonda 2014

¹⁸ Olunaku olwo bwe lulituuka, Musengwa Katonda alitoola ku bakazi ab'e Yerusalemu ebintu eby'okwewoomya byonabyona ebibaleetera okwekuluntaza: ebyamadholobera bye bavaala mu bukongoivule, ni bye bavaala ku mitwe, ni bye bavaala mu nkoto,

Isaia 3:18 ပူးပေါင်းရင်းမြစ်များ

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Isaia 3:19

ni bye bavaala ku mikono, ni bye bavaala ku matu. Era alibatoolaku n'ebitambaala bye beeghemberera mu maiso,

Ezekieli 23:26

Balikutoolamu engoye dho, era baakutoolaku ebyamadholobera byo ebirungi einho.

Ezekieli 23:40

“Era baatumanga n'abakwenda baaja mu biketezo eby'eghala baayetayo abasaadha, era abasaadha baidhanga. Olwo ng'aboluganda abo bombi banaaba, nga basiiga amaiso gaibwe kalaamu, era nga beewoomya n'ebyamadholobera.

1 Petero 3:3

Obulungi bwaimwe bulobe kubanga ku bya ku ngulu, nga mulanga enviiri, nga mwetimbatimba ebya zaabu, n'okuvaala ebivaalo ebyamadholobera.

Abalamuzi 8:21

Agho Zeba ni Zalumunna baakoba Gideoni bati: “Iwe mwene, niiwe obe otwite, kuba ekikolwa ng'oti n'ekyo, kikolebwa musaadha!” Gideoni yaasituka, yaita Zeba ni Zalumunna era yaatwala ebyamadholobera ebyali mu nkoto dh'engamiya dhaibwe, nga byakolebwa mu kifaananie ekiri ng'oti mwezi nga gwakaboneka.

Abalamuzi 8:26

Empeta dhe yafuna dhaazitogha kilo kumpi amakumi abiri, nga tobaliireeku byamadholobera byakolebwa mu bifaananie ebiri ng'oti mwezi ogwakaboneka, n'ebinhere eby'omu nkoto, n'engoye dha nakasooma bakyabazinga ab'e Midia dhe baali nga bavaire, n'endhegere edhaali mu nkoto edh'engamiya dhaibwe.