Isaia 3:16 - Baibuli Ekibono kya Katonda 2014

¹⁶ Musengwa Katonda era akoba ati: “Abakazi b'omu Yerusalemu beebona nga ba ghaigulu, baatambula nga bamadalaiza emitwe, era baamoga bwenzi bwereere. Batambula mpolampola kasaalizo, baaja nga bawolomya obulege bwe bavaala mu bukongoivule.

Isaia 3:16 ပူးပေါင်းရင်းမြစ်များ

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 30:13

Ghaligho abeetwala okuba aba ghaigulu, era nga batwala abandi boonaboona okuba ghansi ghaibwe.

Olwembo 3:11

Imwe abaghala ab'e Sioni, mwidhe mubone kyabazinga Solomoni, ng'avaire ku mutwe engule inhina ye yamuvaaza, ku lunaku lwe yafumbirirwaku, olunaku olwo lwe yafuniraku eisanhu eritaloodheka.

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 24:4

Ensi ewolongeire n'ebigiriku byayongobera; eitaka likaze n'ebiririku byaniala. Ebiri ghaigulu ku igulu n'ebiri ghansi ku itaka byonabyona bifafaagaine.

Isaia 3:1

Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Isaia 3:18

Olunaku olwo bwe lulituuka, Musengwa Katonda alitoola ku bakazi ab'e Yerusalemu ebintu eby'okwewoomya byonabyona ebibaleetera okwekuluntaza: ebyamadholobera bye bavaala mu bukongoivule, ni bye bavaala ku mitwe, ni bye bavaala mu nkoto,

Isaia 3:4

Musengwa Katonda alireetera abalenzi obulenzi okufuuka abakulembeze ab'abantu be, era yaaleetera abaana obwana okufuga.

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Matayo 21:5

“Mukobe abantu b'e Sioni muti: Mubone, Kyabazinga waimwe ali kwidha ye muli. Muwombeefu era ali kwidhira ku ndogoyi, atyaime ku ndogoyi ento.”

Luka 23:28

Yesu yaakyuka yaabakoba ati: “Bakazi imwe ab'e Yerusalemu mutalira nze, aye mwerire beene n'abaana baimwe