Isaia 3:15 - Baibuli Ekibono kya Katonda 2014

¹⁵ Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Isaia 3:15 ပူးပေါင်းရင်းမြစ်များ

Zabbuli 94:5

Banhigiriza abantu bo, baadaazadaaza eighanga lyo lye weerondera.

Okuvaayo 5:14

Era baagwa ku Baisiraeli be baataagho okukaka banaibwe emirimo baabakuba nga bababuuza bati: “Lwaki omughendo ogw'amatoofaali ge muli n'okuwumba buli lunaku tiguwoireeyo olwaleero?”

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Isaia 10:2

Mulemesa abanaku okusalirwa emisango mu mazima, mwalemya abaavu okukolerwa ebituufu bye bagwaniire, mwanhaga ebintu bya banamwandu, n'ebya bamulekwa mwabinhaagaana.

Isaia 14:30

Musengwa Katonda aligha abaana ababeri ab'abanaku einho eky'okulya, n'abali mu bwetaavu baliba mu miraala. Aye imwe Abafilisiti Musengwa Katonda alibaisa endhala, n'abo abaliba bawoniegho boona alibaita n'obukambwe.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 30:12

Kale ni Omutukuvu wa Isiraeli akoba ati: “Nga bwe munhooma bye mbakoba, ni mwesigulira ku kutuntuza abandi n'okukola eby'obudankaanu,

Isaia 32:6

Omusiru ayogera bya kisiru, era mu mwoyo gwe ayiiya amagezi ga kukola bibi. Mu by'akola tatya Katonda naire, era by'ayogera bivuma bwa Musengwa Katonda. Abali endhala tabagha mere, waire okugha abali endiwo eby'okunhwa.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 58:4

Okusiiba kwaimwe kubaleetera bukambwe, mwasoola era mwalwana, mwafuntagana bwa bifunsi.’ “Mulowooza muti bwe musiiba mu nsambo ng'oti n'eyo, nze nsobola okuwulirisa okusaba kwaimwe?

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Ezekieli 18:2

“Mutera okukozesa endhogera ekoba eti, ‘Abazaire baalya emizabbibu egikaagha, aye ate abaana n'abaagemwa engigina ku maino.’ Muba mutegeeza ki?

Yona 1:6

Omukulu w'eryato yaaja y'ali yaamukaabukira ati: “Osobola otya okuba ng'oli kutenduka butenduke? Situka, osabe omusambwa gwo! Katyo gwakatusaasira twaloba kuzikirira.”