Isaia 3:13 - Baibuli Ekibono kya Katonda 2014

¹³ Musengwa Katonda asitwike yaidha okulumiriza abantu be, yeetegeike okubasalira omusango.

Isaia 3:13 ပူးပေါင်းရင်းမြစ်များ

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 74:22

Wo Katonda, situkiramu oyoleke nga bw'oli omutuufu. Oteerabira abantu abatakutya bwe bakusekerera omusana n'obwire.

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Yoeli 3:12

“Abantu ab'amaghanga ka basitukiremu, baje mu Kiiko kya Yehoshafati; kuba eyo nze Musengwa Katonda ye ndityama okulamula amaghanga goonagoona ageezungulwire agho.

Mika 6:1

Muwulire omusango Musengwa Katonda gw'aghaghabira Abaisiraeli. Wo Musengwa Katonda, situkiramu oyandhe omusango gwo. Leka ensozi enene n'entono dhiwulire by'oja okukoba.

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.