Isaia 3:12 - Baibuli Ekibono kya Katonda 2014

¹² Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Isaia 3:12 ပူးပေါင်းရင်းမြစ်များ

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

Yobu 30:13

Bazingiiza engira yange baghange okunzikiriza, nga ghazira ababeereireku.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Isaia 3:4

Musengwa Katonda alireetera abalenzi obulenzi okufuuka abakulembeze ab'abantu be, era yaaleetera abaana obwana okufuga.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Nahumu 3:13

Bona eno, abalwani bo bafuuse ng'oti n'abakazi abataidhi bya kulwana. Engira edhingira mu nsi yo ndhigule, abazigu baingira nga bwe benda. Emiti gye badhikiikamu giidha kuya omuliro.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [