Isaia 3:11 - Baibuli Ekibono kya Katonda 2014

¹¹ Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 3:11 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

1 Bakyabazinga 21:21

Agho ni Musengwa Katonda akoba ati, ‘Iwe Ahabu, ndidha kukutuusaaku akabi, nkuzikirize irala. Era ndimalagho mu Isiraeli buli muntu ayetebwa musaadha k'abe omusibe oba ow'eidembe.

2 Ebyomubyanda 6:23

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

Yobu 10:15

Bwe nkola ekibi, olwo mba nga nkagwireku! Ni bwe nkola ekituufu nsigala nga neewumbye naidhula ensoni, era naawaamu olw'okudaazibwadaazibwa.

Zabbuli 28:4

Basasulemu ekigwana ebikolwa byaibwe n'ebibi bye bakola. Basasule ekyo ekigwana ebyo byonabyona bye baakola; ekyo ekibagwaniire ky'obe obaghe.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Ensambo 11:31

Bona eno, oba nga abantu abatuufu mu nsi bagheebwa empeera ebagwaniire, memale ababi n'aboonooni baliroba batya okusasulwamu ekibajaamu?

Ensambo 12:14

Omuntu mu by'ayogera mw'afuna ebirungi, era mu by'akola mw'afuna empeera.

Ensambo 26:27

Ole asima ebiina okutega baine aja kubigwamu mwene, n'ole asiringisa ogubaale gugwe ku baine guja kumwiriraku mwene.

Omulangirizi 8:13

Aye aboonooni tibaidha kubanga bukalamu, era obulamu bwaibwe bwidha kubanga bumpi ng'oti n'ekinsense bwe kitalwagho, kuba tibatya Katonda.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 48:22

Musengwa Katonda akoba ati: “Abakozi b'ebibi tibaja kuba na miraala naire.”

Isaia 65:20

Abaana baliba tibakaafa nga bato, era abantu boonaboona balighangaalanga emyaka gyaibwe emiidhuvu. Abo abalighangaalanga emyaka ekikumi, balibalirwanga mu bato. Era ole okufa nga tagigheziiza, kalibanga kamanhiso ka kukolimirwa.

Isaia 65:6

Bona, nze nasalagho era kyamala ira okughandiikibwa nga ndibabonereza. Ekyo tija kukisirikira naire. Bwenebwene ndibabonereza, naabeesasuulizaaku nga njiira ku bye baakola,

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 21:14

Aye nja kubabonereza nga njiira ku bikolwa byaimwe. Ndikunaania omuliro ku kisaagaati kyaimwe eky'obwakyabazinga, gwayokya ebikyezungulwire agho byonabyona. Nze Musengwa Katonda, ninze nkobye.”

Yeremia 31:30

Buli anaalyanga emizabbibu egikaagha, mwene n'anaagemwanga engigina ku maino. Era buli muntu aidha kufanga lwa bibi bye mwene.”

Ezekieli 16:59

Musengwa Katonda era akoba ati: “Bwenebwene ndikubisa nga bw'ogwaniire, olw'okunhoomoola kye weeyama n'omenha endagaano.

Ezekieli 18:20

Kale omuntu akola ebibi n'alifa. Omwana tibalimuvunaana bibi muzaire we bye yakola, waire omuzaire okuvunaanibwa ebibi omwana we bye yakola. Omuntu omutuufu aligheebwa empeera olw'ebituufu by'akola, ate omubi yaavunaanibwa olw'ebibi by'akola.

Ezekieli 2:10

Agho yaazingulula enzingo ey'ekitabo eyo mu maiso gange, naabona nga yaghandiikibwaku munda ni ku ngulu. Yali nga yaghandiikibwaku ebibono eby'okulira enaku, n'okugegenga, n'okuwowoola.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Ezekieli 33:8

Bwe nkoba omuntu yeenayeena omukozi w'ebibi nti, ‘Iwe omubi, bwenebwene oidha kufa’, memale n'otayogera kumulabula akyuke aleke ebibi bye, omuntu oyo alifiira mu bibi bye. Aye omusango ogw'okufa kwe ndiguta ku iwe.

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Mika 7:13

Aye ensi eja kufuuka irungu olw'abo abagibaamu ng'ebyo n'ebibala bye bakungula mu bikolwa byaibwe ebibi.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Abalamuzi 9:57

Katonda era yaabonereza abantu b'omu Shekemu olw'ekibi kyaibwe. Ni Yothamu, mutabane wa Gideoni, kye yakolima kyatuukirira.