Isaia 3:1 - Baibuli Ekibono kya Katonda 2014

¹ Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Isaia 3:1 ပူးပေါင်းရင်းမြစ်များ

2 Bakyabazinga 25:3

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Isaia 1:24

Kale ni Musengwa Katonda Afuga Amagye, Katonda oyo owa Isiraeli Aghanga Ebintu Byonabyona, akoba ati: “Ha, imwe abazigu bange ndidha kubamaliraku obusungu bwange, era mbeesasuulizeeku imwe abantakania.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Isaia 3:16

Musengwa Katonda era akoba ati: “Abakazi b'omu Yerusalemu beebona nga ba ghaigulu, baatambula nga bamadalaiza emitwe, era baamoga bwenzi bwereere. Batambula mpolampola kasaalizo, baaja nga bawolomya obulege bwe bavaala mu bukongoivule.

Isaia 36:12

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe kyabazinga n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

Isaia 5:13

Kale abantu bange kye baliva ni batwalibwa mu bunhage, olw'obutaba na kumanha. Abakungu baibwe endhala eribaita, n'abantu baibwe boonaboona baafa olw'endiwo.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Yeremia 37:21

Kale kyabazinga Zedekia yaalagira bansibire mu luya olw'ekisaagaati kye eky'obwakyabazinga. Naaba omwo, era bampanga omugaati mulala buli lunaku nga bagutoola mu kifo ye baagifumbiranga. Baakola batyo, okutuusa mu kibuga bwe mwawa emigaati.

Yeremia 38:9

ati: “Isebantu kyabazinga, abantu bano bakoze bubi inho. Bataire Yeremia mu nsulo mw'aidha okufiira endhala, kuba mu kibuga timukaali mere.”

Yeremia 52:3

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Yeremia 52:6

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Okulira 5:4

Buti tuli n'okusasulira amaadhi ge tunhwa era n'enku dhe tufumbisa.

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Amosi 4:6

“Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Mika 4:9

Yerusalemu, lwaki olira n'owowoola? Lwaki osinda ng'oti n'omukazi ali kulumwa okuzaala? Lwa kubula kyabazinga? Lwa kuba tokaali na bakugha magezi?