Isaia 29:13 - Baibuli Ekibono kya Katonda 2014

¹³ Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 29:13 ပူးပေါင်းရင်းမြစ်များ

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 50:16

Aye abakozi b'ebibi Katonda ababuuza ati: “Mudaagiranga ki okudeeberera amateeka gange, oba okughaya ku ndagaano yange?

Ensambo 30:6

Ku bibono bye otakookerangaku bibyo, olwo alobe kukubonereza na kwanika buguya bwo.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 29:1

Arieli, Arieli, okagwireku! Okagwireku iwe Yerusalemu ekibuga Daudi mwe yasimba weema dhe! Omwaka leka gwire ku gwinaagwo, era n'ogundi gutyo; era leka mukuze ebibinuko nga bwe biiraganwaku,

Isaia 29:12

Bw'okitwalira ataidhi kusoma, n'omukoba oti: “Nsomeraamuuku,” airamu ati: “Tisobola kusoma.”

Isaia 30:11

Mutuviire mu ngira mulobe kutwekiika mberi. Mulekere agho okutukobera ebigema ku Mutukuvu wa Isiraeli.’ ”

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Ezekieli 14:1

Agho abandi ku bakulembeze ab'omu Isiraeli baidha okuneebuuzaaku, baatyama agho mu maiso gange.

Ezekieli 33:30

Agho Musengwa Katonda yankoba ati: “Iwe omuntu, wulira abantu bo bye bakwogeraku nga baagaanaine ku kimante ekyezungulwire ekibuga, ni ku miryango gy'endhu dhaibwe. Buli muntu akoba mwine ati, ‘Mwidhe tuje tuwulire Musengwa Katonda by'atukoba.’

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Ab'e Kolosai 2:22

Nga byonabyona bigema ku bintu ebikozesebwa ni biwaagho, era ng'ebyo byonabyona bya kugalaga na kwegeresa kwa bantu buntu.

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”