Isaia 29:12 - Baibuli Ekibono kya Katonda 2014

¹² Bw'okitwalira ataidhi kusoma, n'omukoba oti: “Nsomeraamuuku,” airamu ati: “Tisobola kusoma.”

Isaia 29:12 ပူးပေါင်းရင်းမြစ်များ

Isaia 29:11

Amakulu goonagoona agali mu kubonekerwa, gabafuukiire ng'oti n'ekitabo kye basibyeku akamanhiso ekitasoboka kuwumbululwa naire. Bw'okitwalira ole aidhi okusoma, n'omukoba oti: “Nsomeraamuuku,” airamu ati: “Tisobola, kuba bakisibyeku akamanhiso, tikisoboka kuwumbululwa.”

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 8:16

Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Yeremia 5:4

Agho naakoba mule nti: “Abantu bano baavu inho era bazira kye baidhi. Tibaidhi Musengwa Katonda by'ayenda, waire okumanha amateeka ga Katonda waibwe oyo.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.