Isaia 28:7 - Baibuli Ekibono kya Katonda 2014

⁷ Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 28:7 ပူးပေါင်းရင်းမြစ်များ

Zabbuli 107:27

Amaato gaabayuuzayuuza, baagaaliita ng'oti batamiivu. Waire nga baali bagavugiire entangama, ku olwo baaba ng'oti beega.

Ensambo 20:1

Omuntu anhwa einho omwenge yeereetera okunhoomebwa, yaasoola era yaalwana; era ole yeenayeena atwalirizibwa omwenge aba musiru.

Ensambo 23:30

N'abo abatava ku kunhwa mwenge era abenda okunhwa ku bika kamaala eby'omwenge.

Omulangirizi 10:17

Ensi eba yeesiimye, omufuzi waayo bw'aba omukulembeze omulungi, era ng'abakungu baayo bakola ebinhumo mu kiseera ekituufu, lwa kwewuumuza bairemu amaani, se ti lwa kutamiira.

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Isaia 24:2

Kiisi muntu alibisibwa mu nsambo n'endala: abantu babuliidho ni bakabona, abairu ni basengwa baibwe, abaguzi n'abatunzi, abawola n'abo ababeewolaku, ababandha n'abo ababandhibwa.

Isaia 24:20

Ensi eritagala ng'oti mutamiivu, yaayuuzibwayuuzibwa ng'oti ntindi. Ebibi byayo bigizitooghereire byagigwisa, era teja kwirayo kusituka.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Isaia 29:11

Amakulu goonagoona agali mu kubonekerwa, gabafuukiire ng'oti n'ekitabo kye basibyeku akamanhiso ekitasoboka kuwumbululwa naire. Bw'okitwalira ole aidhi okusoma, n'omukoba oti: “Nsomeraamuuku,” airamu ati: “Tisobola, kuba bakisibyeku akamanhiso, tikisoboka kuwumbululwa.”

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 5:11

Bakagwireku abo abawuuna ku nkyo okunoonia eby'okunhwa ebitamiiza, ni banhwa omwenge okuzibya obwire okutuusa lwe gubatamiiza.

Isaia 5:22

Bakagwireku abo abamanhifu einho mu kunhwa omwenge, abaziramu ntete kutabikatabika bya kunhwa bitamiiza.

Isaia 5:23

Beedheereza abantu abaliku emisango baabaleetera okugisinga olw'enguzi, aye abaziraku musango baaloba okubakolera ekituufu ekibagwaniire.

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 23:13

Era mboine ekibi abalanzi b'omu Samaria kye baakola: Baalanganga mu liina lya Baali baakiidhamya abantu bange Abaisiraeli.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Okulira 2:4

Yadhuumuula akalaso ke n'omukono gwe omusaadha, yaakabalinzaamu ng'oti muzigu waibwe. Yaita abo boonaboona abaabeeyagazanga. Obusungu bwe bwabookya ng'oti muliro.

Ezekieli 13:7

Aye nze mbakoba nti: Okubonekerwa kwe bakoba mbu bafunie kwa bulimba, n'ebyo bye balanga bya buguya. Bakoba mbu nze Musengwa Katonda ninze ndhogeire ebyo, ate nga nkaali kubibakobaku naire!”

Ezekieli 44:21

Kabona taidha kwingiranga mu luya lwa munda ng'anhweire omwenge.

Hosea 7:5

Ku lunaku kyabazinga lw'akoleraku embaga, abantu abo abanhoomi basirughaza kyabazinga n'abakungu be nga babatamiiza omwenge. Era ni beene boona gwabagema.

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Habakkuku 2:15

Mukagwireku, imwe abakozesa obukambwe ku maghanga ge mwaghangula, ni mubaleetera okutagala ng'oti n'abatamiire, era ni baswala.

Habakkuku 2:16

N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Ab'Efeso 5:28

N'abasaadha batyo bwe bagwaniire okugonza bakazi baibwe, nga bwe bagonza emibiri gyaibwe. Omusaadha agonza mukazi we aba yeegonza mwene.