Isaia 28:3 - Baibuli Ekibono kya Katonda 2014

³ Okwekuluntaza okw'abakulembeze abatamiivu, alikutyankirira n'ebigere.

Isaia 28:3 ပူးပေါင်းရင်းမြစ်များ

2 Bakyabazinga 9:33

Yehu yaabakoba ati: “Mumusuule ghansi!” Baamusuula ghansi, omusaayi gwe gwasambukira ku kimante ni ku mbalaasi. Era embalaasi dhaamutyankirira.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Isaia 28:18

Olwo endagaano yaimwe ye mwakola n'okufa naagimenhagho, n'entegeeragana ye mwataagho ghagati ghaimwe n'amagombe naagisazaamu. Era akabi namuzisa bwe kaliidha, kalibaleka nga kabatenteinetenteine.

Isaia 5:11

Bakagwireku abo abawuuna ku nkyo okunoonia eby'okunhwa ebitamiiza, ni banhwa omwenge okuzibya obwire okutuusa lwe gubatamiiza.

Isaia 63:3

Musengwa Katonda airamu ati: “Natyankirira amaghanga zenka ng'oti n'ole atyanka emizabbibu mu kikunhiro, aye mu bantu mwaloba kubaamu anhambaku. Nagatyankirira n'obusungu bwange, omusaayi gwago gwasambukira ku bivaalo byange byonabyona, byaidhula ebimyamya

Isaia 9:9

Abantu boonaboona ab'omu Isiraeli n'abatyamye b'omu Samaria balimanha. Buti beekuluntaza era beesaakiriza nga bakoba bati:

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Danieli 8:13

Agho naawulira omutukuvu mulala ng'ali kwogera. Era omutukuvu owundi yaabuuza ole eyayogera ati: “Ebyo ebiboneibwa mu kubonekerwa biribaagho kutuuka li? Ebigheebwayo ebyokebwa ebya buli lunaku birimala kiseera ki nga bikaali kwizibwagho? Okwonoona kulizikiriza ensi kutuuka li? Eigye ery'omu igulu n'eisinzizo birityankirirwa kutuuka li?”

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Okwolekebwa 11:2

Aye oluya lw'eisinzizo luleke, otalupima, kuba lwagheebwa abamaghanga agandi abaidha okumala emyezi amakumi ana n'ebiri (42) nga baniinirira ekibuga ekitukuvu.