Isaia 28:27 - Baibuli Ekibono kya Katonda 2014

²⁷ Obuwoowo bw'anetho tibabusekula na kintu kye bamulungulisa ngaano, n'obuwoowo bwa kumino tibabuniiniaku kigaali kighaluzibwa mbalaasi. Aye obuwoowo obwo bwombi, babukubisa mwigo bwigo okubumulungula.

Isaia 28:27 ပူးပေါင်းရင်းမြစ်များ

2 Bakyabazinga 13:7

Yehoahazi tiyasigazaagho igye lirimu balwani baswika mu makumi ataanu (50) ab'oku mbalaasi, oba ebigaali eby'omu lutalo ebiswika mu ikumi (10), waire abaisirukale abaswika mu mutwalo omulala (10,000) ab'oku bigere kuba kyabazinga wa Siria yazikiriza abandi boonaboona, yaabatyankirira ng'oti nkungu ey'omu kifo ghe bakubira engaano.

Ensambo 20:26

Kyabazinga omugezi anoonenkereza yaazuula ababi, era yaababonereza n'obukambwe.

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.

Isaia 28:28

Omuntu tamulungula ngaano ya migaati kadeeberero n'atuuka na kugitentena. Bw'aba ali kuginiiniaku ekigaali ekighaluzibwa embalaasi okugimulungula, agyegendereza yaaloba kumanhiangula mpeke.

Isaia 41:15

Bona, ndikufuula waaba ng'oti n'ekintu kye bamulungulisa engaano, ekiriku amaino amayaaka amoogi. Olimulungula ensozi dhaaba bumulumulu, n'obusozi waabusa bwaba ng'oti nkungu.

Yeremia 10:24

Lamba abantu bo balongooke empisa, aye otabakayukira inho, oba okubabonereza mu busungu; kuba agho oba otusaaniagho busaanie.

Yeremia 46:28

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.