Isaia 28:25 - Baibuli Ekibono kya Katonda 2014

²⁵ Bw'amala okutereeza eitaka obukalamu, tasigamu buwoowo buwoomesa iva, anetho ni kumino? Era tasiga ngaano ni sayiri mu nhiriri dhaabyo, ate ku mbibi y'enimiro n'asimbayo ebirime ebindi?

Isaia 28:25 ပူးပေါင်းရင်းမြစ်များ

Isaia 28:24

Omulimi ng'ali kutegeka enimiro ye okugisigamu, akola gwa kutegeka ogwo gwonka ekiseera kyonakyona aghazira kukoma? Ekiseera kyonakyona akimala ku kutoodha na kwandhala mu nimiro eyo kwonka aghazira kulekera?

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.

Ezekieli 4:9

“Oidha kutoola engaano, ni sayiri, n'ebidhandhaali, n'empindi, n'obwita, n'omutaamataama, obitabulire ghalala era obifumbemu emere ey'omugoyo. Eyo n'emere y'onaalyangaku mu nnaku ebikumi ebisatu n'ekyenda (390), dh'onaamala ng'olambaire eky'embavu ku luuyi olw'omukono gwo omugooda.

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.