Isaia 28:22 - Baibuli Ekibono kya Katonda 2014

²² Kale ni mulobe kunhoomerera kulabula kuno, tiikulwa ng'endhegere edhibasibye bongera bwa kudhinhwegula; kuba mpuliire nga Musengwa Katonda Afuga Amagye mumalirivu okusaaniagho ensi eno.

Isaia 28:22 ပူးပေါင်းရင်းမြစ်များ

2 Ebyomubyanda 30:10

Agho abakwenda baaja mu buli kibuga ekiri mu kiketezo kya Efuraimu n'ekya Manasse, era baaja baatuukira irala ni mu kiketezo kya Zebuluni. Aye abantu baayo baabasekerera busekerere era baabanhooma inho.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Zabbuli 107:16

Oyo n'amenhamenha endhigi edhaakolebwa mu kyuma eky'ekikomo, era n'amaniangula empango edhaakolebwa mu kyuma ekigumu einho!

Okuvaayo 8:25

Agho kyabazinga yaayetesa Musa ni Aaroni, yaabakoba ati: “Muje mugheeyo emisengo eri Katonda waimwe nga muli mu Misiri muno.”

Ensambo 19:29

Abanhoomi tibaliwona kusalirwa musango kubasinga, n'abasiru tibaliwona kukubwa.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 28:23

Mutege amatu muwulire kye nkoba; mute omwoyo ku bye ndhogera.

Yeremia 15:17

Tibangaku na bantu ku binhumo mu kusagamba. Aye nabanga agho zenka nga njiira ku biragiro byo, nga ndidhwire obusungu.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 36:23

Agho Yehudi bwe yamalanga okusoma ebitundu ebibiri oba ebina ku nzingo y'ekitabo eyo, nga kyabazinga abisalaku n'akambe akatono, ng'abisuula mu muliro. Yaakola atyo okutuusa enzingo y'ekitabo yoonayoona bweyawaagho okuya.

Yeremia 39:7

Bwe yamala, yaalagira baatundulamu Zedekia amaiso era baamusiba ku ndhegere okumutwala e Babilonia.

Okulira 1:14

Ebibi byange byonabyona yabisoloza era mwene n'engalo dhe yaabikolamu ekikoligo, yaakinsiba mu nkoto kyanduyiriza. Musengwa yampaayo mu ngalo dh'abazigu bange be ntasobola kutuulana nabo.

Ezekieli 22:14

Olowooza oti mu biseera bye ndikukangaivuliramu, oliba okaalimu amaani era ng'okaasobola waire okugalula omukono gwo? Nze Musengwa Katonda ninze mwene nkobye, era ekyo ndikikola.

Nahumu 1:9

Imwe muli kwesoomera kukola ki Musengwa Katonda? Aidha kubazikiriza. Ezira asobola kumutakania kuswika ku mukuzi mulala.

Matayo 27:39

Ababise baamuvuma bwe batengeesa emitwe gyaibwe,

Matayo 27:44

Abanhazi be baamukomerera nabo boona batyo baamuduula.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Ebikolwa by'Abatume 17:32

Bwe baawulira Paulo ng'ayogera ku kuzuukira abandi baamusekerera aye abandi baakoba bati: “Olitukoberaku kino kabiri olundi.”