Isaia 28:21 - Baibuli Ekibono kya Katonda 2014

²¹ Musengwa Katonda alisituka okulwana ng'oti bwe yakola ku lusozi Perazimu, era alisungughala ng'oti bwe yakola mu kiiko ky'e Gibeoni. Memale olwo yaakola omulimo gwe ogwo ogwewuunhisa ogutali gwabuliidho, era yaayoleka ebintu bye ebyo by'akola ebyewuninkiriza.

Isaia 28:21 ပူးပေါင်းရင်းမြစ်များ

2 Samueli 5:20

Agho Daudi yaidha e Baali Perazimu, yaaghangulirayo Abafilisiti. Yaakoba ati: “Musengwa Katonda aneesooseeyo emberi yaaghaguza mu bazigu ng'oti n'omwidhuzo ogw'amaadhi bwe gughaguza ghe gubita.” Kale kyova ekifo ekyo bakyeta Baali Perazimu.

2 Samueli 5:25

Daudi yaakola nga Musengwa Katonda bwe yamulagira, yaaja ng'aita Abafilisiti okuva e Geba okutuuka e Gezeri.

1 Ebyomubyanda 14:11

Agho Daudi yaidha e Baali Perazimu, yaaghangulirayo Abafilisiti. Yaakoba ati: “Musengwa Katonda andeeteire okughaguza mu bazigu ng'oti n'omwidhuzo ogw'amaadhi bwe gughaguza ghe gubita.” Kale kyova ekifo ekyo bakyeta Baali Perazimu.

1 Ebyomubyanda 14:16

Daudi yaakola nga Musengwa Katonda bwe yamulagira, yaaja ng'aita Abafilisiti okuva e Geba okutuuka e Gezeri.

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 28:19

Akabi ako buli lwe kalibitanga, kalibakubanga. Kalibitanga omusana n'obwire. Era buli bukwenda obulivanga ye Katonda, bulyongeranga kubaleetera kutya.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Okulira 3:33

kuba takikola nga yeeyendeire okudaazadaaza oba okulumya omuntu.

Ezekieli 33:21

Ku lunaku olwokutaanu mu mwezi ogweikumi, mu mwaka ogweikumi n'ebiri (12) nga tuli mu bunhage, omuntu eyawonagho mu Yerusalemu yaidha yankobera ng'ekibuga bwe kyali kimaze okugwa.

Habakkuku 1:5

Agho Musengwa Katonda yaakoba abantu be ati: “Mulingirire amaghanga agabeezungulwire, era mwidha kubona ebinaabeewuunhisa ni bibasamaaliriza. Kuba nja kukola ekintu kye mutaghanga kwikiriza nga bakibakobeire bukobere.

Yoshua 10:10

Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”