Isaia 28:2 - Baibuli Ekibono kya Katonda 2014

² Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 28:2 ပူးပေါင်းရင်းမြစ်များ

Yobu 22:16

Baafa ng'ekiseera kyaibwe eky'okufa kikaali, baayeyebwagho ng'oti n'ekizimbe bwekyeyebwagho amaadhi ag'omwidhuzo.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 32:19

Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 40:10

Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 8:6

Yankoba ati: “Abantu bano nga bwe balobye amaadhi ag'akaiga Shiloa agakuuluula empola, aye ni basanhuka olwa Rezini ni Peka mutabane wa Remalia abaidhie okubabeera,

Ezekieli 13:11

Iwe omuntu, kobera abo abakisiigaku langi endheru oti kiidha kugwa. Ekire eky'amaadhi ekinene kiidha kuyiyika nga mulimu amabaale ag'omugozi amakologho, n'empewo ey'amaani.

Ezekieli 38:9

Oliidha n'eigye lyo lyonalyona, ghalala n'abalwani abava mu maghanga agandi kamaala, mwalumba ensi eyo ng'oti n'amaadhi agalimu kiwunga era mwagighembaku ng'oti kire.”

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.