Isaia 28:19 - Baibuli Ekibono kya Katonda 2014

¹⁹ Akabi ako buli lwe kalibitanga, kalibakubanga. Kalibitanga omusana n'obwire. Era buli bukwenda obulivanga ye Katonda, bulyongeranga kubaleetera kutya.

Isaia 28:19 ပူးပေါင်းရင်းမြစ်များ

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

2 Bakyabazinga 21:12

N'olw'ekyo nze Musengwa Katonda wa Isiraeli, nkoba nti, ndidha kuleeta akabi ku Yerusalemu ni ku Buyudaaya, kiisi anaakawulirangaku amatu ge gamuwaawaalenga buwaawaale.

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

Yobu 18:11

Ebimutiisa bimuli ku buli luuyi, bimubingirira buli gh'atoola ekigere.

Yobu 24:17

Batya ng'obwire bukyeire, aye ebiba mu nzikiiza tibibatiisa.”

Yobu 41:9

Okugibona obubone, omuntu awaamu amaani, yaagwa ghansi ku itaka.

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 55:4

Omwoyo guntyemuka naatya, n'enviiri dhampwa ku mutwe olw'okutya okufa,

Zabbuli 88:15

Ndaazedaaze okuva mu buto era kata nfe. Onkoze ebitiisa kamaala, gampoire.

Isaia 33:7

Bona, abalwani abaziramu ntete bali kulira bulire; abakwenda abaatumibwa okuleetagho emiraala bali kuwowoola buwowoole.

Isaia 36:22

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwiremu ebivaalo byaibwe olw'enaku. Baamukobera omukungu w'e Assiria bye yakoba.

Isaia 37:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Yeremia 19:3

Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 4:9

Musengwa Katonda akoba ati: “Ku lunaku olwo, kyabazinga n'abakungu baliwaamu amaani. Bakabona balisoberwa inho, n'abalanzi beewuunhia inho.”

Yeremia 6:24

Agho abantu b'omu Yerusalemu baakoba bati: “Tuwuliire ebiri kutwidhira, n'emikono gyatuwaamu amaani, twawulira obulumi ng'oti bwa mukazi ali kulumwa okuzaala.

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Danieli 8:27

Nze Danieli amaani gampwamu, era naabeera irala mulwaire okumala enaku. Oluvainhuma naamala naasituka, naaja ku mirimo kyabazinga gye yampa. Aye okubonekerwa okwo kwasigala nga kukantabwire, nga tisobola kukutegeera naire.

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

1 Samueli 3:11

Agho Musengwa Katonda yaakoba Samueli ati: “Bona eno, ndi kumpi okukola ekintu mu Isiraeli muno, ekiriwaawaaza amatu ga buli muntu alikiwulira.