Isaia 27:7 - Baibuli Ekibono kya Katonda 2014

⁷ Musengwa Katonda tiyabonereza inho bantu be Baisiraeli na bukambwe, ng'oti ni bwe yabonereza abazigu baibwe. Era tibaafiirwa bantu kamaala inho ng'oti n'abaabaitanga bwe baafiirwa.

Isaia 27:7 ပူးပေါင်းရင်းမြစ်များ

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 10:17

Musengwa Katonda oyo eitaala lya Isiraeli aliba omuliro, Katonda oyo Omutukuvu wa Isiraeli yaaba enimi edh'omuliro; ogulyokya ni gusaaniagho mu lunaku olulala, abo boonaboona abali ng'oti n'amawa n'enkandwa.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 17:3

Ensi Isiraeli eriba nga tekaali na bifo bya kwewogomamu kwewonia bazigu, ni Damasiko nga tikikaali na bwakyabazinga. Abasiria abaliwonagho baliswala inho ng'oti n'Abaisiraeli. Nze Musengwa Katonda Afuga Amagye ntyo bwe nkobye.”

Isaia 30:31

Abassiria balitya inho bwe baliwulira amamiro ga Musengwa Katonda, ng'ali kubabonereza n'omwigo gwe mu bukambwe.

Isaia 31:8

Abassiria baliitibwa inho mu lutalo, aye nga bantu ti n'ababaita. Abassiria abo balirumuka olutalo, era abaisuka baibwe balifuulibwa bairu.

Isaia 31:9

Kyabazinga waibwe alitya inho yaalumuka. N'abakungu baibwe baalumuka, era nga bali mu kabuguutano ako, baalekulira agho bendera dhaibwe edh'omu lutalo.” Musengwa Katonda oyo abantu ye basinziza mu Sioni, era ye bookera emisengo mu Yerusalemu, atyo bw'akobye.

Yeremia 50:40

Nga bwe nazikiriza Sodoma, ni Gomorra, aghalala n'ebibuga ebyali agho okumpi nabyo, n'ekibuga Babiloni ntyo bwe ndikizikiriza, kyaloba kwiramu kubangamu bantu. Nze Musengwa Katonda, ninze nkobye.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Nahumu 1:14

Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

Nahumu 3:19

Ghazira kighanga kukutoolaku bulumi bw'otuuseeku, n'ebibwa bye bakufumiite tibisobola kuwona. Abo boonaboona abawulira ku kuzikirizibwa kwo, bakuba mu ngalo olw'eisanhu. Kuba mpaagho y'otaatuusaaku bikolwa byo eby'obukambwe.