Isaia 27:6 - Baibuli Ekibono kya Katonda 2014

⁶ Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 27:6 ပူးပေါင်းရင်းမြစ်များ

Yobu 37:12

Ebire byezungulula eno n'ere, nga bw'aba abiragiire. Bikolera ku biragiro bye buli ghantu ghe bija.

Isaia 35:1

Eirungu lirisagamba, ensi enkalukalu yaamulisa ebimuli.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 37:31

Abo abaliwonagho mu Buyudaaya, balisibuka ng'ebimera ebisimba emizi gyabyo ghansi mu itaka, ni bitaaku ebibala ghaigulu.

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 60:22

N'amaka agasingayo obutono galifuuka ekika ekiramba, era ekika ekisembayo obutono kirifuuka eighanga ery'amaani. Nze Musengwa Katonda ekyo ndikireetera okwangugha okubaagho, ng'ekiseera kyakyo kimaze okutuuka.”

Yeremia 30:19

Abantu abakibaamu balyemba enhembo edh'okwebaza, baakuba emizira nga basagamba. Ndibagha enkabi beeyongera okuba abangi nga tibakendeera naire. Abantu balibaghanga ekitiibwa aghazira kunhoomebwa.

Ezekieli 36:10

Ndireetera abantu okwala mu ighanga Isiraeli, baidhula mu nsozi imwe. Ebibuga biriidhula abantu, n'ebifo byonabyona ebyayonoonebwa byairamu okuzimbibwa obuyaaka.

Ezekieli 36:8

Aye imwe ensozi edh'omu Isiraeli, mulimeraku emiti, gyataaku n'ebibala, ku lw'abantu bange Abaisiraeli abali kumpi okwira eka.

Hosea 2:23

Ndita abantu bange mu nsi yaibwe, baaba bukalamu. Ndisaasira abo abaali beetebwa bati “Tibasaasirwa,” era abo abaali beetebwa bati “Timuli bantu bange,” ndibakoba nti: “Muli bantu bange.” Boona baliiramu bati: “Niiwe Katonda waife.”

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Ab'e Galatia 3:29

Era oba nga muli ba Kurisito, agho ni muli baidhukulu ba Aburahamu era mulifuna Katonda kye yasuubiza.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”