Isaia 27:3 - Baibuli Ekibono kya Katonda 2014

³ Nze mwene ndirabirira, naalifukirira amaadhi buli kaseera. Era ndikuuma omusana n'obwire ghalobe kubaagho ekirituukaku okulyonoona.

Isaia 27:3 ပူးပေါင်းရင်းမြစ်များ

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 9:9

“Bona, ndi kukola endagaano yange n'imwe, era n'eizaire lyaimwe erinairangagho

1 Bakyabazinga 8:59

Ebibono byange bino bye ndhogeire mu maiso ga Musengwa Katonda nga nsaba okubeerwa, Musengwa Katonda waife oyo abiidhukirenga omusana n'obwire, era ampenga nze omugheereza we kyabazinga ghalala n'abantu be Abaisiraeli, ebyetaago ebya buli lunaku.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:5

Katonda mwene aba mu kibuga ekyo, era tikisobola kuzikirizibwa; Katonda awuuna buwuune mu nkyonkyo okukirwanirira.

Isaia 31:5

Ng'enhonhi bw'eghambaatira abaana baayo okubakuuma, ninze zeena Musengwa Katonda Afuga Amagye ntyo bwe ndidha okukuumanga Yerusalemu, nkirwanirirenga okukiwonia abazigu.”

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Isaia 46:9

Mwidhukire ebyaligho mu biseera eby'eira, mumanhe nga ninze Katonda zenka, ezirayo wundi; era ezirayo ali ng'oti ninze.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Ezekieli 34:11

“Nze Musengwa Katonda nkoba nti, nze mwene ndinoonia entaama dhange, naayagaaza woonawoona okuzuula ye dhiri.

Ezekieli 34:24

Nze Musengwa Katonda mwene ninze ndiba Katonda waadho, n'omugheereza wange ali ng'oti ni Daudi yaaba omufuzi waadho. Nze Musengwa Katonda ninze nkobye.

Ezekieli 37:14

Ndibataamu omwoyo ogwange mwairamu okuba abalamu, naabata mu nsi eyaimwe. Olwo mulimanha nga nze Musengwa Katonda ninze ndiba nkobye, era nga ndikituukiriza. Nze Musengwa Katonda ninze nkobye.”

Ezekieli 37:28

Bwe ndibataamu eisinzizo lyange ni libabaamu ebyanda n'ebyanda, olwo amaghanga galimanha nga nze Musengwa Katonda mwene, ninze nalonda Abaisiraeli babe abantu abange ku bwange.”

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.