Isaia 27:13 - Baibuli Ekibono kya Katonda 2014

¹³ Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 27:13 ပူးပေါင်းရင်းမြစ်များ

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

1 Ebyomubyanda 15:24

Bakabona bano nga n'ab'okufuuwa amagwala mu maiso g'Esanduuku ya Katonda: Shebania, Yoshafati, Nethaneli, Amasai, Zekaria, Benaia, ni Eliezeri.

Zabbuli 47:5

Katonda ajiire ghaigulu, abantu baakuba emizira era baafuuwa endeka.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.

Zabbuli 89:15

Wo Musengwa Katonda, nga ba nkabi abo abakukubira emizira, ni batambula nga bagonzi y'oli.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 11:16

Ghalibaagho oluguudo abantu be Abaisiraeli abaliwonagho mwe balibita nga bava mu Assiria, ng'oti ni bwe ghaaligho oluguudo Abaisiraeli mwe baabita nga bava mu Misiri.

Isaia 18:3

Mubakobe muti, ‘Imwe abantu mwenamwena abali mu nsi, mwekalirisenga mubone nga bendera esimbiibwa ku lusozi, era mutegenga kutu muwulire ng'eigwala lifuuye.’

Isaia 19:21

Ku lunaku olwo Musengwa Katonda alyeyoleka mu Bamisiri, baamumanha, baamusinza nga baghaayo emisengo n'ebigheebwayo ebyokebwa. Balyeyama y'ali era baatuukiriza bye beeyamye.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 56:8

Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Yeremia 31:6

Bwenebwene ekiseera kiri kwidha, abakuumi beete nga bali ku nsozi edh'e Efuraimu bati, ‘Mwidhe tuniineniine Sioni, tuje eri Musengwa Katonda waife.’ ”

Yeremia 43:7

Kale baadheemera batyo ekiragiro kya Musengwa Katonda, baaja e Misiri era baatuukira irala ere mu kibuga ekyetebwa Tahapanhesi.

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Ezekieli 20:34

Mu busungu obubitirivu ndikozesa obuyinza bwange obungi n'amaani gange agataloodheka, naabatoolayo eyo mu maghanga, naabasolozaayo eyo mu nsi ye mwasansaanira.

Ezekieli 20:41

Bwendimala okubatoolayo eyo mu maghanga, ni mbasolozaayo eyo mu nsi ye mwasansaanira, ndisiima emisengo gyaimwe egyokebwa, era mulirangirira eri amaghanga nga bwendi omutukuvu.

Ezekieli 39:25

Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Hosea 11:11

Baliidha nga baziinhuuka ng'oti nhonhi nga bava mu Misiri, nga baziinhuuka ng'oti ighemba nga bava mu Assiria. Era ndibaizaayo mu maka gaibwe. Nze Musengwa Katonda, ninze nkobye.”

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Abalevi 25:9

Agho ku lunaku olweikumi olw'omwezi ogwomusanvu, olunaku olw'okutoolebwaku ebibi, munaatumanga omuntu yaaja ng'afuuwa endeka mu nsi yaimwe mwonamwona.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Zekaria 14:16

Olwo abo boonaboona abaliwonagho ku b'amaghanga agaliba galumbye Yerusalemu, baliniinaniinanga buli mwaka, baajanga okusinza Musengwa Katonda Afuga Amagye era Kyabazinga, n'okukolanga Ekibinuko eky'Entindi.

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Okwolekebwa 10:7

Aye mu nnaku edho malaika owomusanvu mw'alifuuyira eigwala lye, olwo Katonda alituukiriza ekyama kye nga bwe yakobera abagheereza be abalanzi.”

Okwolekebwa 8:2

Agho naabona bamalaika omusanvu abeemerera mu maiso ga Katonda, era baagheebwa amagwala musanvu.

Okwolekebwa 8:6

Agho bamalaika omusanvu abaali n'amagwala omusanvu beetegeka okugafuuwa.

Okwolekebwa 9:14

Amamiro ago gaakoba malaika owomukaaga eyali n'endeka gati: “Sibula bamalaika abana abaasibibwa ku mwiga omunene Eufurate.”