Isaia 27:12 - Baibuli Ekibono kya Katonda 2014

¹² Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Isaia 27:12 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

Nehemia 1:9

Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Zabbuli 68:22

Musengwa Katonda yakoba ati: “Ndidha kubaiza okuva e Bashani, ndidha kubaiza okuva ku ntobo y'enhandha,

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Isaia 17:6

Abantu abalisigalagho mu Isiraeli baliba batono inho, ng'oti n'omuti omwoliva gwe banozeeku emyoliva, ni gusigazaaku ebiri oba esatu ghaigulu ku busanso bw'ensaga obusembayo, oba ni gusigazaaku ena oba etaanu ku nsaga dhaagwo edha ghansinsi. Nze Musengwa Katonda wa Isiraeli ntyo bwe nkobye.

Isaia 49:5

Musengwa Katonda oyo n'eyampumbira mu nda ya maama, yantegeka okuba omugheereza we, nje mmusolokeze ab'eizaire lya Yakobo, abantu be abo abaasansaanizibwa. Musengwa Katonda oyo anfuula wa kitiisa mu maiso ge, era oyo ni Katonda wange, ensimuko ey'amaani gange.

Isaia 56:8

Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Yeremia 3:14

Imwe abantu abatali beesigwa, mwire ye ndi, kuba ninze musengwa waimwe. Ndidha kutoolanga omuntu mulala mulala okuva mu buli kibuga, era ntoole abantu babiri babiri okuva mu buli maka, mbaleete e Sioni.’ ”

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Ezekieli 20:34

Mu busungu obubitirivu ndikozesa obuyinza bwange obungi n'amaani gange agataloodheka, naabatoolayo eyo mu maghanga, naabasolozaayo eyo mu nsi ye mwasansaanira.

Ezekieli 20:41

Bwendimala okubatoolayo eyo mu maghanga, ni mbasolozaayo eyo mu nsi ye mwasansaanira, ndisiima emisengo gyaimwe egyokebwa, era mulirangirira eri amaghanga nga bwendi omutukuvu.

Ezekieli 39:25

Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.

Ezekieli 47:19

“Ku luuyi olw'omukono omusaadha olw'e buvandhuba, ensalosalo eriva e Tamari yaaja yaatuuka ku maadhi ag'e Meriba mu Kadeshi. Era erija nga yeeyongerayo, ng'enonereza akaiga ak'e Misiri okutuuka ku Nhandha Eyaghagati.

Amosi 9:9

“Ndidha kulagira abazigu bakunguute Abaisiraeli nga bali eyo mu maghanga, ng'oti n'omuntu bw'akunguuta engaano mu kakunguuto, era ezira mubi aja kubitira.

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Luka 15:4

“Naani ku imwe aba n'entaama ekikumi, memale endala ku edho n'emubulaku, ataleka ekyenda n'omwenda ku nsiko n'aja n'ayagala eyo ebuze okutuusa lw'agizuula?

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoshua 15:4

Nga bw'etuuka Azimoni enonereza omwiga oguli ku nsalosalo ni Misiri, yaatuuka ku Nhandha Eyaghagati yaakoma agho. Eyo n'eyali ensalosalo ya Yuda ku luuyi olw'omukono omusaadha olw'e buvandhuba.