Isaia 27:1 - Baibuli Ekibono kya Katonda 2014

¹ Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 27:1 ပူးပေါင်းရင်းမြစ်များ

Yobu 26:13

Yafuuwa ebire yaabyeya ku igulu; yaagema empiima yaafumita ogusota ogw'omu nhandha nga guli kulumuka okwewonia.

Yobu 3:8

Obwire obwo bukolimirwe abo abakolimira enaku; abo abali n'obusobozi obw'okusiikuula Leviathani okukola kye benda.

Yobu 40:19

Eyo n'ensolo esinga okwewuunhisa, mu nsolo dhoonadhoona. Omutonzi waayo yenka n'asobola okugiseetaku n'empiima.

Yobu 41:1

“Engoina osobola okugivubisa eirobo, oba okusiba olulimi lwayo n'omugugha?

Zabbuli 104:26

Okwo n'okuseeyeeyeza emeeri, era omwo n'omuzaanhira ogusota ogwetebwa Leviathani.

Zabbuli 45:3

Gema empiima yo, Iwe kyabazinga ow'amaani, mu kitiisa kyo nga kyabazinga!

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Isaia 65:25

Omusege n'entaama ento biidha kuliiranga ghalala, empologoma eryenga isubi ng'oti nte, n'omusota gulyenga enkungu nga n'emere yaagwo. Ku Sioni olusozi lwange olutukuvu, tikulibaaku kintu kituusa ku kiinaakyo bulumi, waire okukizikiriza. Nze Musengwa Katonda, ninze nkobye.”

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Yeremia 47:6

Mulirira amaziga muti, ‘Wo empiima ya Musengwa Katonda iwe! Olirekera li okuja ng'osaagha? Irayo mu kiruutu kyo osigale omwo owuumule!’

Yeremia 51:13

Iwe ensi erimu emiiga kamaala n'eby'obukombe ebingi, enkomerero yo etuuse, akawuuzi akagemereire obulamu bwo bakakutwire.

Yeremia 51:34

Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Okwolekebwa 12:3

Era ku igulu kwabonekaku ekirikoliko ekindi: ogusota ogunene ogumyufu nga guli n'emitwe musanvu n'amayiga ikumi, nga ku buli mutwe kuliku engule.

Okwolekebwa 13:11

Agho naabona ekisolo ekindi nga kikukunuka mu itaka. Kyali n'amayiga abiri ng'oti ga ntaama nto era nga kyogera ng'oti gusota.

Okwolekebwa 13:4

Abantu baasinza ogusota kuba gwagha ekisolo obuyinza bwagwo, baasinza n'ekisolo nga bakoba bati: “Naani ali ng'oti n'ekisolo kino, era naani asobola okulwana nakyo?”

Okwolekebwa 16:13

Naabona emizimu emibi esatu egyaboneka ng'oti bikere, nga giva mu kanwa omw'ogusota, ni mu kanwa omw'ekisolo, ni mu kanwa omw'omulanzi omuguya.

Okwolekebwa 17:1

Agho owundi ku bamalaika omusanvu abaali n'ebibya omusanvu, yaidha yankoba ati: “Idha nkulage omusango bwe gusalirwa malaaya omukulu atyaime okumpi n'amaadhi amangi.

Okwolekebwa 17:15

Malaika era yankoba ati: “Amaadhi g'oboine malaaya g'atyaimeku, n'abo enkunkumuli edh'abantu, aba kiisi kika, kiisi lulimi, na kiisi ighanga.

Okwolekebwa 19:21

Abaasigalagho baitibwa n'empiima eyava mu munwa gw'oyo atyaime ku mbalaasi. Enhonhi dhoonadhoona dhaalya dhaafundeera emirambo gyaibwe.

Okwolekebwa 2:16

Kale weenenie: oba ti n'ekyo, ndidha kukwidhira mangu nwane n'abantu abo n'empiima ey'omu munwa gwange.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,