Isaia 26:8 - Baibuli Ekibono kya Katonda 2014

⁸ Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 26:8 ပူးပေါင်းရင်းမြစ်များ

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

Zabbuli 106:3

Beesiimye abo abakolera ku mazima, ni bakola ebituufu ekiseera kyonakyona.

Zabbuli 130:5

Nze nteegerera Musengwa Katonda aidhe ambeere, eisuubi lyange lyonalyona liri mu kisuubizo kye.

Zabbuli 18:23

Mu maiso ge nzira musango, era neekuuma ndobe kugwa mu kibi.

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Zabbuli 65:6

Iwe wataagho ensozi olw'amaani go, kuba oli wa maani mangi.

Zabbuli 73:25

Eyo mu igulu nzirayo wundi ali ku lwange okutoolaku iwe era ni ku nsi kuzira kye neetaaga okutoolaku iwe.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Olwembo 5:8

Imwe abaghala ab'e Yerusalemu, ndi kubakoba mulayire, muti bwe munaabona omugonzi wange, munaamunkobera muti ndwaire olw'okumugonza einho.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 24:15

Abo abaliba ku luuyi olw'e buvandhuba boona balimusaaka; n'abo abaliba mu biketezo eby'oku nhandha baamusaaka, oyo Musengwa Katonda, Katonda wa Isiraeli.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 26:13

Wo Musengwa Katonda waife, waire ng'abandi baatufugaku, aye niiwe wenka ye twidhi ng'Omufuzi waife.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 51:4

Imwe abantu bange mumpulirise; imwe eighanga lyange mutege kutu muwulire bye nkoba. Nditaagho amateeka gange, naayegeresa abantu boonaboona okukola amazima agaliba ekimulika eri amaghanga goonagoona.

Isaia 56:1

Musengwa Katonda akoba abantu be ati: “Mukolenga amazima n'obutuufu, kuba ndi kumpi kwidha okubalokola, era ndholeke nga ninze mbawonia ebizibu byaimwe.

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Malaki 4:4

“Mugemenga ebyo Musa omugheereza wange bye yabeegeresa, amateeka n'ebiragiro, bye namugheera ku lusozi Horebu, abikobere Abaisiraeli boonaboona.

Okubala 36:13

Ago n'amateeka n'ebiragiro Musengwa Katonda bye yalagira Musa okukobera Abaisiraeli nga bali e Yeriko okumpi n'omwiga Yorudani mu kiketezo ky'e Moabu eky'oku museetwe.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Ebikolwa by'Abatume 1:4

Bwe baali balya yaabalagira obutava mu Yerusalemu, aye bateegerere Lata kye yasuubiza kye yali abamanhiisaaku ati:

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.