Isaia 26:21 - Baibuli Ekibono kya Katonda 2014

²¹ Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 26:21 ပူးပေါင်းရင်းမြစ်များ

Yobu 16:18

“Iwe ensi otalobera musaayi gwange, n'ogulobera kululuma; otaganha kulira kwange kusirisibwa.

Yobu 20:27

Eigulu liryoleka ebibi bye, n'ensi yaamulumiriza.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 65:6

Bona, nze nasalagho era kyamala ira okughandiikibwa nga ndibabonereza. Ekyo tija kukisirikira naire. Bwenebwene ndibabonereza, naabeesasuulizaaku nga njiira ku bye baakola,

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Isaia 66:6

Muwulire akasasamalo akali kuva mu kibuga! Ghaligho amamiro agali kuva mu isinzizo, era amamiro ago n'aga Musengwa Katonda nga yeesasuuliza ku bazigu be.

Ezekieli 8:6

Era Katonda yankoba ati: “Iwe omuntu, oli kubona bye bali kukola? Oli kubona ebyenhinhalwa ebibitiriire, Abaisiraeli bye bali kukolera ghano, ebindeetera okwesamba eisinzizo lyange ni mba eghala einho nalyo? Aye ate oidha kubona ebyenhinhalwa ebibitiriire einho ebisinga n'agho.”

Luka 11:40

Abasiru imwe, eyakola ku ngulu ti n'eyakola ni munda?

Luka 11:50

Kyova ab'oluse luno balibuuzibwa omusaayi ogw'abalanzi boonaboona gwe baafuka okuva ku kwinhama okw'ensi,

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”

Okwolekebwa 18:24

Mu oyo n'omwayagaanibwa omusaayi ogw'abalanzi, n'ogw'abatuukirivu, n'ogwa abantu boonaboona abaitibwa ku nsi.