Isaia 26:20 - Baibuli Ekibono kya Katonda 2014

²⁰ Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 26:20 ပူးပေါင်းရင်းမြစ်များ

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

Amainhama 7:16

nga Katonda bweyalagira. Agho Musengwa Katonda yaigaliza Noa munda.

Yobu 14:13

Nguli ongisiisa e magombe n'onkuumira eyo, okutuusa obusungu bwo lwe buliwaagho. Era n'ongerera ekiseera n'omala n'ondidhukira.

Zabbuli 143:9

Wo Musengwa Katonda, numukiire y'oli onkuume, omponie abazigu bange.

Zabbuli 17:8

Nkuuma ng'oti mboni ya liiso lyo; mpambaatira ng'oti n'enkoko bw'ekola obwana bwayo.

Zabbuli 27:5

kuba mu biseera ebizibu aja kumpa obubudamo, aja kunkuumira mu ndhu ye, ante ghaigulu ku ibaale abazigu ye batatuuka.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 31:20

Obagisa gh'oli, waalobera abo ababeekobaana baaloba kubatuukaku. Obakuumira agheekusifu waabawonia ebivumo eby'abazigu baibwe.

Zabbuli 32:7

Oli kifo kyange mwe neewogoma, niiwe omponia ebizibu wandhidhuza eisanhu olw'okuwonezebwa.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 57:2

Nze ndi kulirira Katonda Ali Ghaigulu Yeene, oyo atuukiriza mu nze ekigendererwa kye.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Zabbuli 94:13

Iwe omugha okuwuumulaku ebizibu, okutuusa lw'obonereza ababi.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Ensambo 22:3

Omuntu omutegeevu abona akabi nga kali kwidha yaakeesamba; aye ole azira magezi aja buje yaakagwamu.

Isaia 10:25

kuba akaseera kasigaireyo katono inho, ndekere agho okubabonereza imwe, obusungu bwange mbwolekeze beene, mbazikirize.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 34:2

Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 51:4

Imwe abantu bange mumpulirise; imwe eighanga lyange mutege kutu muwulire bye nkoba. Nditaagho amateeka gange, naayegeresa abantu boonaboona okukola amazima agaliba ekimulika eri amaghanga goonagoona.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Yeremia 31:14

Ndigha bakabona emere enhingi einho esinga bulungi, naagha n'abantu bange byonabyona bye beetaaga. Nze Musengwa Katonda, ninze nkobye.”

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 11:16

“Kale kobera abo bwe muli mu bunhage, oti nze Musengwa Katonda nkoba nti waire nga nabatoola mu nsi yaibwe, naabasindika mu nsi edh'eghala era naabasansaaniza mu maghanga kamaala, aye ndidha kubanga ghalala nabo eyo mu nsi dhe balimu okumala ekiseera.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Zefania 2:3

Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Matayo 6:6

Aye iwe bw'obanga ng'osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby'ekyama alikugha empeera.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.