Isaia 26:2 - Baibuli Ekibono kya Katonda 2014

² Mwigulegho emiryango gyakyo, muleke abantu ab'eighanga eryesiga Katonda baingire, abantu abo abakola ebituufu.

Isaia 26:2 ပူးပေါင်းရင်းမြစ်များ

Zabbuli 106:5

Nsobole okubona ng'abantu bo be weerondera, obulamu bubajiira bukalamu. Olwo nsagambire ghalala n'eighanga lyo, era neesiime n'abo ababo.

Zabbuli 118:19

Mundhiguliregho emiryango egy'eisinzizo, egibitamu abantu ba Katonda abatuufu, nhingire nje neebaze Musengwa Katonda.

Zabbuli 118:20

Guno n'omulyango gwa Musengwa Katonda abantu ba Katonda abatuufu mwe banaingirira.

Zabbuli 24:7

Mwigulegho endhigi bukalamu, mughaluzeeyo endhigi enkaire edh'eira, Kyabazinga omukologho aingire.

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Isaia 60:11

Emiryango gyo giidha kubanga miigule, tigiidha kwigalwanga omusana n'obwire. Olwo abantu basobole okukuleeteranga obukombe bw'amaghanga gaibwe, nga bakyabazinga baibwe beene n'ababakulembeiremu mu nhiriri.

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Isaia 62:2

Yerusalemu, amaghanga galibona bw'onunwirwa, ni bakyabazinga boonaboona baabona ekitiisa kyo. Olituumibwa eriina eiyaaka, Musengwa Katonda mwene ly'alikugha.

Zekaria 8:20

Musengwa Katonda Afuga Amagye akoba ati: “Ekiseera kirituuka, abantu abamaghanga kamaala n'ab'omu bibuga kamaala baidha e Yerusalemu.

Ebikolwa by'Abatume 2:47

nga basaaka Katonda, era abantu boonaboona nga babenda. Buli lunaku, Musengwa yaaja ng'abongeraku abaalokolwanga.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

2 Petero 3:13

Aye nga Katonda bwe yasuubiza, tuteegerera eigulu eiyaaka n'ensi empyaka omuliba obutuufu.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.

Okwolekebwa 21:24

Abantu abamaghanga goonagoona banaatambuliranga mu butangaavu bwakyo, era bakyabazinga ab'oku nsi banaaleetangamu eby'obukombe byaibwe.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.