Isaia 26:19 - Baibuli Ekibono kya Katonda 2014

¹⁹ Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 26:19 ပူးပေါင်းရင်းမြစ်များ

Yobu 14:8

Waire emizi gyagwo gikairigha mu itaka, ekikonge kyagwo ni kivunda,

Yobu 29:19

Nali ng'oti muti ogulandiza emizi aghali amaadhi, nga n'omusulo gugwa ku nsaga dhaagwo obwire bwonabwona.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Zabbuli 22:29

Bwenebwene abo boonaboona ab'oku nsi abeekudumbaza, n'abo boonaboona abantu obuntu abafa, balyeyala mu maiso ge nga kw'otaire na kiisi muntu atasobola kwekuuma mwene nga mulamu.

Zabbuli 71:20

Wansidikira ebizibu kamaala n'okudaagadaaga, aye olindhiriza amaani gange kabiri; olintoola ghansi eyo abantu ye baja, wamponia okufa.

Zabbuli 88:11

Okugonza kwo okutakoma basobola okukwogeraku eyo mu magombe, waire obwesigwa bwo okubwogeraku mu nsi eyo ey'abafu?

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Hosea 6:2

Mu nnaku ibiri oba isatu alitwizaamu obulamu, twaba balamu mu maiso ge.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Matayo 27:52

Amagombe gaiguka, era emibiri kamaala egy'abatuukirivu abaafa gyazuukizibwa,

Matayo 27:58

Ono yaaja ye Pilato yaamusaba omulambo gwa Yesu. Pilato yaalagira bagumughe.

Ebikolwa by'Abatume 24:15

Ndi n'eisuubi mu Katonda ng'abo beene bwe bali nalyo, ng'abalungi n'ababi balizuukira.

1 Ab'e Korintho 15:20

Aye mu butuufu bwene Kurisito yazuukira mu bafu okukakasa ng'abafu balizuukira

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

Amateeka Agokubiri 33:13

Yaasabira Abayosefu ati: “Musengwa Katonda aghenga ekiketezo kyaibwe enkabi. Akighenga ku musulo oguva ghaigulu mu igulu, era akighenga n'omusulo oguva ghansi mu itaka.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.

Ab'e Filippi 3:10

Era nhenda okumumanha amaani ag'okuzuukira kwe, n'okudaazibwadaazibwa nga mwene bwe yadaazibwadaazibwa, era n'okumufaanana mu kufa kwe.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.